amalinks wokungena

Breaking News

Iqhubeka Isidla Ubhedu iHighlanders KuPSL


Iqembu lenguqu eleHighlanders liqhubeke lisidla ubhedu emidlalweni yePremier Soccer League ngoLwesihlanu ngokunqoba eleShabanie Mine nge 2-0 enkundleni yeMaglas eZvishavane.

IHighlanders sinqobe kuyo yonke imidlalo eyithobaminwemibili esiyidlalile kuLeague ngampandle kowodwa nje lapho ebe khona ngutshiki lobhanqa.

Abahlohlele leliqembu nguMilton Ncube loGraham Ncube. IShabanie Mine layo ilwisile ukuthi iyithole intuba kodwa kwehlula.

Ilunga leHighlanders (life member) uOmega Sibanda utshele iStudio 7 ukuthi bakhangelele ukuyithatha inkezo yeLeague lonyaka.Leliqembu lacina ukuyithatha linkezo ngo2006.

Kweminye imidlalo, iHwange inqobe iMonomotapa nge 5-1. IDynamos ibe ngutshiki lobhanqa leMotor Action 0-0, kwathi iQuelaton leBlue Rangers lazo zaba ngitshiki lobhanqa 1-1.

Imidlalo yeLeague iyaqhubeka endaweni ezitshiyeneyo zelizwe ngoLwesine lapho iHarare City ezangqikilana leBuffaloes, iGunners idibane leHardbody kuthi iCaps United idlale lePlatinum.

Iqembu leChicken Inn lizadibana lemamba ezimnyama iBlack Mambas.

Okuhambelana lalokhu

XS
SM
MD
LG