amalinks wokungena

Breaking News

Litshonile 'Iqhawe' leMelika Elalwa Impi yeWorld War II uBob Dole


FILE - Former Senate Majority Leader Bob Dole speaks after being presented with the McGovern-Dole Leadership Award on Capitol Hill in Washington, Dec. 11, 2013.

Abenhlangothi ezitshiyeneyo emelika abagoqela uMongameli Joe Biden bethule amazwi enduduzo ngeSonto kulandela ukubhubha kowaba lilunga leSenate emela isigaba seKansas okweminyaka engamatshumi amabili lasikhombisa, 27, uMnu Bob Dole.

Umndeni wakhe uthi ufele ebuthongweni eseleminyaka yokuzalwa phose elikhulu, 98.

Udole wangena kubutho ngomnyaka ka1942 njalo walwa empini yamazwe omhlaba eyesibili, iWorld War II, lapho alimalela khona ezwekazi leEurope waphosa wafa.

Wake wancintisa efuna ukuba nguMongameli weMelika ngo1996 kodwa wanqotshwa nguMnu Bill Clinton.

Abebandla lakhe lamaRebulicans labebandla lamaDemocrats bachaze uDole njengeqhawe lamaqhawe elasebenzela ilizwe ngobuqotho.

UMongameli Biden uthe balutshwana abafana loDole, yena athe ubengumngane wakhe.

Abake baba ngoMongameli, uMnu Barack Obama, uGeorge Bush kanye loClinton labo bethule amazwi behaya umufi ngobuqhawe bakhe.

Akukaziwa ukuthi udole uzbekwa nini njalo ngaphi. Ocubungula ezombusazwe uMnu Tim Muringai laye uthe umufi ubeliqhawe nanku wayesenelisa ukusebenza kuhle lamaDemocrats lanxa nje yena wayeliRepublican.

please wait

No media source currently available

0:00 0:03:15 0:00

Facebook Forum

XS
SM
MD
LG