amalinks wokungena

Breaking News

Liyaqonga Inani Labatholakala BeleCOVID-19 Kwele Botswana


Flag-map_of_Botswana.

Inani labantu asebetholakale beleCOVID-19 kweleBotswana likhangelelwe ukuqansa, kulandela ukutholakala kwabanengi belegcikwane leli, ensukwini ezisanda kwedlula. Inengi Labantu eligoqela abeZimbabwe, selihlalela evalweni ukuthi ezinye izigaba zomnotho zilakho ukuvalwa, kuyindlela yokuvikela ukumemetheka komkhuhlane.

EleBotswana belingelinye lamazwe amalutshwana avule izigaba phose zonke ezomnotho, ngenxa yenani eliphansi labantu abatholakale beleCOVID-19.

Kodwa lokhu kulakho ukuguquka ngemva kokutholakala kwabantu abalitshumi lanhlanu belegcikwane leli ensukwini ezisanda kudlula.

Abekhomithi ekhokhela umsebenzi wokumelana leCOVID-19 kweleBotswana, bathi balovalo lokuthi inani labantu abalomkhuhlane lo, lizaqonga. Kulovalo njalo lokuthi abantu laba, bazathelela abanye abanengi.

Umqondisi wezempilakahle kweleBotswana udokotela Malaki Tshipayagae uthi kukhanya sekulokuyekethisa ekuziphatheni kwabantu.

"Sesilahlekelwe ngomunye owesibili, ngomkhuhlane weCOVID-19. Sikhuthaza abantu ukuthi baqhubeke belandele imithetho, ngoba sesibona ukuthi abantu abasalandeli imithetho (eyeCOVID-19)."

Odabuka eZimbabwe osebenza eGaborone, umnunzana Cephas Tshuma uthi wonke umuntu nje usevalweni, ngoba kungavalwa izagaba ezinengi zomnotho.

"Kuyasethusa, ngoba besesikhangele ukuthi umakhathi usuntshintsha sisithi mhlawumbe sekuzavuleka, lathi siyenelise ukuphuma siyehlola izihlobo."

Uqhubeke esithi kungaba nzima uma ilizwe lingangena ngaphansi kwemizamo emitsha yokunqabela ukuhamba hamba mahlayana kwabantu.

"Ma sekutholake okunje asazi ukuthi abantu bahlangane labangaki, kodwa sibuye sibelethemba ngoba uhulumende walapha uyithathele phezulu indaba yokulwisana leCOVID-19. Kodwa asikwazi ukuthi kumbe uzasibisela futhi ku-lockdown."

EleBotswana lilabantu abangaphezu kwekhulu (119), abatholakale belomkhuhlane weCOVID-19, ababili sebalahlekelwa ngumphefumulo. Kodwa kulabatshayeli abadlula amakhulu ayisithupha (620), abokuza abatholakale bele gcikwane leli.

Facebook Forum

XS
SM
MD
LG