amalinks wokungena

Breaking News

Liyavalwa Ilizwe Kulabantu Abangu-564 Ababanjwe iCovid-19 Izolo Labane Ababhubhileyo


Coronavirus, Zimbabwe

Kulabantu abangamakhulu phose ayisithupha, 564, ababanjwe umkhuhlane weCovid-19 eZimbabwe izolo labane ababhubhileyo.

Lokhu kukhuphule inani lasebefunyenwe beleCoronavirus kuleli selokhu yaqhamukayo laya kunkulungwane ezedlula itshumi lanhlanu, 15,829.

Asebebhubhile bona bakhwele baya kumakhulu phose amane, 384.

Ukumemetheka komkhuhlane lo kubangele ukuthi uhulumende avale njelo ilizwe kusukela namuhla.

Amabhizimusi amanengi asevaliwe ngaphandle kwalawo abaluleke afana lamavinkili athengisa ukudla lezineye indingeko zikazulu kanye lezibhedlela.

Uzulu laye kasavunyelwa ukuhambahamba kungatshaya iholo lesithupha ntambama kusiyatshaya ihola elifanayo njalo ekuseni.

Uhulumende uthi uzulu kumele ahlale ngekhaya ngaphandle kwabantu abalutshwana abasebenza kunhlangothi eziqakathekileyo ezifana lezibhedlela.

Isiphathamandla senhlanganiso yeBulawayo Vendors and Traders Association uMnu Aleck Ndlovu uthi lanxa ukuvalwa kwelizwe lokhu kubaphazamisa, bayakusekela ngoba igciwane leCoronanavirus selibhahe kakhulu elizweni.

please wait

No media source currently available

0:00 0:02:10 0:00

Facebook Forum

XS
SM
MD
LG