amalinks wokungena

Breaking News

Seliqonge Layafika ku341 Inani Lasebefunyenwe BeleCOVID-19 eZimbabwe


Uphawo logatsha lwezempilakahle eZimbabwe

Umbiko owethulwe ngabogatsha lwezempilakahle uveza ukuba inani lasebetholakale beleCovid 19, eZimbabwe selikumakhulu edlula amathathu -341. Leli nani lengezwe ngabantu abalitshumi lanye, kwabahlolwe ngoLwesihlanu, Nhlangula 12, 2020. Laba nganye babantu abagcinwe endaweni zamaQuarantine Centers, abaphindele ekhaya bevela kweleSouth Africa.

Lumbiko uthi njalo asebehloliwe ukuba baleCovid 19 loba hatshi lokhu laqhamukayo elizweni, ngoMbimbitho lonyaka, sebezinkulungwane ezedlula amatshumi amahlanu-57,598. Asebesinde kulumkhuhlane lokhu bengamatshumi edlula amahlanu-51, kwafa abane.

Emhlabeni jikelele abaleCoronavirus sebeyizigidi ezedlula eziyisikombisa lengxenye-7,635,499, kuthi asebebulewe yileligcikwane, sebezinkulungwane ezedlula amakhulu amane-424,716, abasinde kulumkhuhlane beyizigidi phose ezine-3,865,742 kubika abenhlanganiso eyeWorldometer.

Emazweni awezwekazi leAfrica asebebanjwe belegcikwane leli, sebezinkulungwane ezedlula amakhulu amabili-216,446, labulala inkulungwane ezedlula ezinhlanu lengxenye-5,756, kwasinda inkulungwane phose ezilikhulu-97,068 kubika abenhlanganiso eye Africa union.

Facebook Forum

XS
SM
MD
LG