amalinks wokungena

Breaking News

Ludubo Ukuthola iPassport koBulawayo Kutsho Abanengi


Zimbabwe Passport

Inengi labe Zimbabwe asebahlala kwele emazweni okugoqela eMelika bakhala ngokungaphathwa kuhle lapho besiyabhalisela ukuthola ugwalo lokuhambisa ipassport ekhaya. Ukungaphathwa kuhle kwabantu lokhu kubikwa kuvame kakhulu koBulawayo lapho umuntu afaka khona amaform akhe, abadale imali abesetshelwake ukuthi abuye ngemva kweviki ngoba amaform ayabe esethunyelwe eHarare iyelungiswake iPassport ithunyelwe.

Inengi labahlaba omkhulu umkhosi yilabo abayabe behlawulele imali enengi ukuthi bathole iPassport yabo ngesikhathi esifitshane esinjenge viki eyodwa. Kodwake oseke wadibana lalolu dubo unkosikazi Thembi Ncube uthi akwenzakali lokho ukuthi iphume ngemva kweviki eyodwa laloba uyibhadalele imali enengi kangako.

UNkosazana Ncube uthi kwacina kumthathela amaviki amathathu eseze esabela lokuthi sizaze sifike isikhathi sokuthi aphindele eMelika ipassport yakhe lokhu ingakaphumi acine elahlekelwa yimali yetikiti lendizamtshina.

“Ngemva kweviki ngahamba ngisiyabuza ukuthi sokungaphi ngatshelwa ukuthi ngibuye ngemva kwensuku ezintathu, ngaphenduka kwathiwa akukalungi buya ngemva kwensuku ezintathu njalo. Kwathi sokufika iviki yesithathu ngaqala ngatshelwa ukuthi amaphepha akasabonakali, gqhi akabhalwanga kuhle, ngathi ngiphanini phela ngilungisise lapho engiphambanise khona, angaphuma amaform? Kwaze kwalamula esinye isihlobo sami esacina sisiyayithatha eHarare sokusele insuku ezimbili ukuthi ngisukume”, kutsho Unkosazana Ncube.

sizame ukubathintamn ngocingo abehofisini yama passport koBulawayo kodwa bebengadobhi ucingo belulokhu lukhala lungasatshelwa, ukuthi sizwe ukuthi yini inkinga ngoba uNkosazana Ncube uthi kasuye yedwa owayehluphana labo ngaleso sikhathi, esithi omunye umama ubethi uselenyanga ezintatu ezama ukuthola eyakhe laye ebhadele amakhulu amathathu amadola ukuthi iphume ngemva kweviki.

please wait

No media source currently available

0:00 0:07:04 0:00

Facebook Forum

XS
SM
MD
LG