amalinks wokungena

Breaking News

'Luqakathekile Ukhetho Lwama Primaries Loba Kusiba Lodlakela'


Abalandeli bebandla leZanu PF.

Ingcwethi kwezombusazwe zithi ukhetho lwama primaries lokudinga abazamela amabandla ezombusazwe kukhetho lwelizwe oluzayo luqakathekile kakhulu njengoba uzulu enikezwa ithuba lokukhetha ozabamela kukhetho lokudinga umongameli, amalunga edale lephalamende kanye lakumakhansili.

Ingcwethi lezi zithi noma ukhetho lwama primaries olwe ZANU PF oluqhutshwe ngeSonto langoMvulo lucine solusiba lodlakela, lolukhetho luqakathekile.

Omunye wengcwethi lezi, uMnu. Pride Mkono, laye uthi ukhetho lwama primaries luqakathekile kakhulu kuzulu lakumabandla ezombusazwe kodwa luphanjaniswe ludlakela.

Omela inhlanganiso yeZimbabwe National Editors Forum, uMnu. Njabulo Ncube, usola labo abaqila uzulu ngokubayenga ngemali okucina kuphambanisa ukhetho lolu.

UMnu. Christopher Mutsvangwa, umcebisi omkhulu kaMongameli Emmerson Mnangagwa, uyavuma ukuthi ukhetho lwamaprimary olweZANU PF belugcwele ubuqili njalo uzabhala incwadi ephikisa impumela yalo.

Impumela yokhetho lolu ayikaphumi yonke kodwa uMutsvangwa ubikwa unqotshiwe eNorton lapho ebekhangelelwe ukuncintisana khona loMnu. Temba Mliswa, omela iNorton edale lephalamende.

Eyinye njalo ingcwethi kwezombusazwe, uMnu. Cornelius Bvute, uthe ukufuthelana lokudonselana phakathi kwabalandeli bebandla leZANU PF okube khona ngomnyaka ophelileyo phakathi kwecele leLacoste leleGeneration 40, kuphinde kwathutsha kulol’ukhetho lwama primaries okwenze amanye amalunga alelibandla ehluleke ukuvota.

Kwezinye izigaba abalandeli bebandla leZANU PF babikwa bengasebenzisanga amabhuku abo awama ‘Cell’ abo njalo bekuvota umuntu olephepha elitshengisa ukuthi wabhalisa kukhetho lwelizwe okuyikwephula isisekelo sebandla esithi ilunga livota ngecard leZanu PF lokuba lilunga hatshi ukubhalisela ukuvota kukhetho lwelizwe.

Impumela yokhetho lolu ibikwa iveze ukuba bekulodlakela, ukwethuselana, ubuqili lobusela.

UMutsvangwa yena uthe ukhetho lolu ludube ngokubekwa ezandleni zamalunga eG40 ajonge ukuphazamisa ibandla leZANU PF ngenxa yokwenzakale ngomnyaka ophelileyo, lapho kukhitshwa owayengumongameli uMnu. Robert Mugabe embusweni ngenxa yomkakhe obedlelana kakhulu lecele leG40.

Ezabelweni zeMashonaland lase Manicaland kubikwa kulabasakhulayo abathethe amaphepha okhetho bawatshisa ngemva kokuswelakala kwelunga ekade befuna libamele.

Udaba Esilethulelwe NguGibson Bhebhe
please wait

No media source currently available

0:00 0:04:35 0:00

Facebook Forum

XS
SM
MD
LG