Uhlelo lweMandela Washington Fellowship lugqitshwe ngoLwesithathu kulabasakhulayo beZimbabwe abathathu ababathokoze kakhulu ngemva kokuphiwa imali engangenkulungwane ezingamatshumi amabili lanhlanu, $25,000 ngamunye eyokubancedisa ukuthuthukisa amabhizimusi abo.
Abathathu laba nguAndrew Chikomba, uFarai Chizengeni loKudakwashe Makuzva njalo bayingxenye yabasakhulayo abangamatshumi amane abathole loluncedo.
Imali le ivele kugatsha lweMelika olusekela inhlelo zentuthuko eAfrica olwe United States African Development Foundation.
Abasakhulayo laba babuyela emazweni abo ngoLwesine, kodwa phakathi kwamakhulu amahlanu, kuzasaba abalikhulu elilodwa njalo bazabe besebenza lenhlanganiso ezitshiyeneyo.
Sixoxe lomunye wabaskahulayo laba uMartin Ndlovu othi kunengi akufundileyo phansi kohlelo lolu.
Siphinde saxoxa loPromise Muleya yena olenkampani encedisa abantwana abaswelayo eBinga ukuthola imali yesikolo kanye loYvonne Jila osebenzisa imifanekiso yebhayisikopo ukulwela amalungelo abesifazana.
UMuleya uqale ngokuchasisa ukuthi kuyini okumqoka akutholileyo Kuloluhlelo.