amalinks wokungena

Breaking News

Luyaqhubeka Ngeviki Ezayo Uhlelo Lolulotshwa Kwesisekelo Esitsha


Uhlelo lokulotshwa kutsha kwesisekelo sombuso obelumele luqalise ngolweSibili ngeviki ezayo soluzaqalisa ngolweSithathu, njengokutsho kwekhomidi yephalamende ebona ngokulotshwa kwesikelo esitsha.

Omunye wabagcinisihlalo balikhomidi uMnumzana Douglas Mwonzora uthi uhlelo lokwamukela imibono kazulu soluzaqalisa ngolweSithathu.

Uhlelo lokulotshwa kutsha kwesisekelo sombuso lubhekane lezikhubeko ezinengi, ezigoqela ukusilela kwemali yokuqhuba lumsebenzi, ukudonselana phakathi kwabe MDC labeZANU PF lokunye osokulubuyisele emuva.

Ukuqhubeka kwalo ngeviki ezayo yinto ebisivele ikhangelelwe ngabanengi abafisa kube lesisekelo sombuso esitsha elizweni.

UBrenda Moyo weStudio 7 ukhulume loMnumzana Effie Dlela Ncube umqondisi wenhlanganiso ye Matebeleland Constitutional Reform Agenda- MACRA, othi okunye okukhanya kuzabuyisela muva loluhlelo yikwethuselwa kwabantu osokuqalisile kwezinye izigaba zelizwe.

XS
SM
MD
LG