amalinks wokungena

Breaking News

Luyaqhubeka Udubo Lwamanzi KoBulawayo


Umanisipala wakoBulawayo uthi ukuvalwa kwamanzi kulelidolobho kuzaqhubeka ngoba amadamu elokhu engakagcwali lanxa izulu selike lana.

Izakhamizi esezilesikhathi eside zithwaliswe amagabha avuzayo, zithi bezikhangelele ukuthi ngalesisikhathi ukuvalwa kwamanzi kubesekumisiwe njengoba kuyisikhathi sezulu.

Kodwa umanisipala uthi malutshwana kakhulu amanzi asengene emadamu. Ngalokho uthi uzaqhubeka evala amanzi okwensuku ezine ngeviki.

Le yimbiko engemukelwa kuhle yinhlanganiso yezakhamizi iBulawayo Progressive Residents Association (BPRA).

IStudio 7 ixhume isiphathamandla salinhlanganiso esibona ngenhlelo zamanzi uMnu Anglisote Sibanda yena othe umanisipala ukhanya engazimiselanga ukulungisisa udaba lwamanzi.
please wait

No media source currently available

0:00 0:01:54 0:00
Lapho esitholakala khona
XS
SM
MD
LG