Luyaqhubeka Uhlupho Lwamanzi koBulawayo

WASHINGTON DC —  Uhlupho lokuswelakala kwamanzi lokhu luqhubekla phambili kobulawayo njalo ikhansili yalelidolobho ithi okunye osokuhlupha yikuthi abantu abalankonxa zokugcina amanzi okusebenzisa nxa aphuma empompini esavaliwe.

Ikhansili isivalela iziakhamizi amanzi okwensuku ezintathu zilandelana ngenxa yokuswelakala kwamanzi kulelidolobho okubangelwa yikutsha kwamadamu.

Ukhansila Phineas Ndlovu we Lobhengula uthi sokulenhlanganiso ezimeleyo esithembise ukuncedisa lelidolobho ngokuhlanza amanzi akhiwa ezibhoraneni, njalo kuyadinga ezinye ezingancedisa ngokokugcinela amanzi.