amalinks wokungena

Breaking News

Lwembeswa Ngumnyama Uhlelo Lokulotshwa Kwesisekelo Sombuso Esitsha


Isisekelo sombuso esiphakathi kokulotshwa khathesi sibikwa sesibhekane lohlupho lwabantu abahamba besethusela abantu ukuze bangafaki imibono yabo, ngesikhathi kusamukelwa imibono kazulu,ezangena kulesisisekelo.

Kwezinye indawo kubikwa kulabantu abavukela emihlanganweni le abeCOPAC bengakafiki batshele abantu ukuthi umhlangano awusekho okuyinto esiphazamise kakhulu uhlelo lokwamukelwa kwemibona yabantu ezigabeni, ikakhulu ezemaphandleni.

Kunjanlo nje abeNational Constitutional Assembly abavela basola uhlelo lokulotshwa kwesisekelo sombuso esitsha, sebesithi yetshwa, ngengxabano esikhona phakathi kwabeCOPAC lenhlanganiso yeUnited Nations Development Programme-iUNDP ephathisa loluhlelo ngemali.

Abe NCA basole loluhlelo luqalisa, besithi isisekelo sombuso esilotshwayo lesi asisoze sivele kuzulu weZimbabwe kodwa ngesalabo abakumabandla akuhulumende womanyano.

IUNDP layo isisithi abeCOPAC batshaphaze imali yokuqhuba uhlelo lokuthathwa kwemibono kazulu, into elandulwa ngabe COPAC. Ngenxa yengxabangxoza le abeCOPAC labe UNDP sebeqoqe umhlangano ngeviki ezayo wokuxazulula udaba lwemali lolu.

UBrenda Moyo weStudio 7 ukhulume lomkhokheli wenhlelo zabatsha kunhlanganiso yeNCA uMnumzana Alois Dzvairo othi akulasisekelo sombuso esizaphuma la.

XS
SM
MD
LG