amalinks wokungena

Breaking News

Madinda Ndlovu: Balandeli beHighlanders Lingesabi Umnyama Ongelampisi


UMadinda Ndlovu, umqeqetshi weqembu leHighlanders Football Club.

Umqeqetshi weqembu le Highlanders, uMadinda Ndlovu, uthi abalandeli bangabokwesaba umnyama ongela mpisi kodwa kumele bemukele njalo besekele abadlali abasakhulayo okuyibo abagcwele kuqembu le Highlanders.

Ekhuluma lentathelizindaba zemidlalo ngoLwesine, uMadinda uthe kuvele kusinwa kudedelwana emdlalweni wenguqu yikho labo abakhonona ngokuba abadlali asebekhulile kungani bengagcinwanga kuqembu le Bosso kumele bakhumbule ukuba laye wadlalela iqembu le Highlanders kodwa kuthe amadolo engasavumi wathatha umhlala phansi.

“Ngadlalela iqembu leli ndawonye labafowethu. Ngabatshiya bedlala kodwa cabanga ngabe amaNdebele athi ngoba ngabako Ndlovu akumelanga bephume.

“Asiyenzeni umsebenzi njengomsebenzi ngoba banengi abasakhulayo abalaziyo ibhola. Kulokungumfana khathesi okufuna ukudlalela iHighlanders kumbe iDynamos kodwa nxa singayala silokhu sithembele kubadlali abadala akula lapho esingaya khona. Asekeleni ukwesaba umnyaka ongela mpisi.”

UMadinda ubephendula umbuzo phezu kokuba ngempela nguye yini owathi umdlali obethandwa kakhulu ngabalandeli be Bosso, uEric Mudzingwa, ekhonjwe indlela ndawonye labanye abagoqela uSimon Munawa, uAllen Gahadzikwa kanye lo Ralph Matema.

Iqembu le Highlanders selilamaviki amahlanu liqhuba amalungiselelo alo alonyaka njalo uMadinda uthi ulokhu eqhuba inhlelo zokudinga ukuba yibaphi abadlali azasebenza labo lonyaka njalo bakhona abanye ababuye kuyonale iviki ukuthi abakhangele.

“Kulomfana okuthiwa ngu Yaya (Munyaradzi Chitambwe), kulo McClive Phiri – owaziwa kakhulu ngegama elithiwa Skippy, sibe njalo lo Nigel Mukombe ovele kuqembu le FC Platinum kodwa okhulele kuqembu le Aces Youth Academy.”

Kungakabuyi laba abadlali abathathu uMadinda ubesebenza labadlali abangamatshumi amabili lathoba munwe munye njalo uthe njengoba sekulabadlali abangamatshumi amathathu lambili kuzakuba labanye abazasiselwa amanye amaqembu kuthi abanye bazabuyela bayedlala kuqembu le Bosso 90 lona elidlala kusigaba se Southern Region Soccer League.

UMadinda Ndlovu Ufuna Kusekelwa Abadlali Abatsha
please wait

No media source currently available

0:00 0:01:33 0:00

Facebook Forum

XS
SM
MD
LG