amalinks wokungena

Liberman Bhebhe: Ngiyathaba Ukuthi Ngikuhlelo Lwe Mandela Washington Fellowship


UMnu. Liberman Bhebhe

Omunye wabasakhulayo abakhangelelwe ukuya kwele Melika besuka eZimbabwe ngoLwesine okuhlelo lweMandela Washington Fellowship nguMnu. Liberman Bhebhe, owabumba inhlanganiso yeNational Youth Development Trust (NYDT).

UBhebhe uthi uyajabula kakhulu ukuthi ungene kuhlelo lolu oluthuthukisa abatsha abalakho ukuthi bancedisa abantu kwele Zimbabwe lamanye amazwe.

UBhebhe, oseleminyaka alitshumi lembili esebenza kwezamalungelo abantu njalo lezombusazwe, ukhangelele ukusebenzisa ithuba leli ukuthi afunde okunengi okuphathelane lendlela ezisetshenziswa ngabanye ontanga abadabuka kwamanye amazwe ukwenqabela inhlupho ababhekane lazo eZimbabwe.

uMnu. Liberman Bhebhe
uMnu. Liberman Bhebhe

UBhebhe uthe okwenza wakhethwa ukuthi angene kuhlelo lolu yindlela aqhuba ngayo uhlelo lweNYDT.

Uthi ukhangelele ukuthi uzahlangana labanye abakuhlelo lolu akhulumisane labo ngabakwenzayo abesekhulumisana njalo labatsha kwele Melika ngokuqhutshwa kwenhlelo ezingengolwakhe.

“Udubo olubhekwe ngabasakhulayo abanengi eZimbabwe abasebesungule inhlanganiso noma inhlelo ezitshiyeneyo, yikuthi asilalo ulwazi oluthile mayelana lokuphatha inhlanganiso eletha imali esuthisayo. Ngikhangelele ukuthi lapho ngizabuyela ekhaya ngizabe ngilolwazi oluthile oluzaphuma kuhlelo lolu mayelana ngendlela esingathuthukisa indlela esiphatha ngayo inhlelo zethu njalo inhlanganiso zethu ezitshiyeneyo,” kusho uBhebhe.

Uthe engaphetha uhlelo lweMandela Washington Fellowship uzasungula isikolo esizabizwa ngokuthi yi-NYDT School of Leadership and Entrepreneurship.

Facebook Forum

XS
SM
MD
LG