amalinks wokungena

Breaking News

Matabeleland Development Initiative: Kakuthuthukiswe Ezokulima eMandebeleni


Izilimo

Abenhlanganiso ejonge ukuletha intuthuko emhlubulweni weMandebeleni eyeMatabeleland Development Initiative bahlanganise abalimi bakulumhlubulo labenhlanganiso ezehlukeneyo ezikumsebenzi wezokulima ukuze baphume lamacebo okuthuthukisa umsebenzi wokulima kulumkhono.

Isiphathamandla seMatabeleland Development Initiative Agricultural Association uNkosikazi Sifiso Agbetorwoka ukhuthaza abesifazana ukuthi beqoqane babe ngamaqembu okungabanceda ukuthi banelise ukuthola imali zokusebenzisa.

“Sinxuse amaFarmers ukuthi sihlangane sibonisane esingakwenza esigabeni seMatabeleland. Mina njengomama ngizathanda ukukhuthaza omama ukuthi sihlangane sibonisane ukuthi singenzenjani sithole izimali. Kakhulu sasehluleke nje ukuqala ezokulima ngenxa yokuswelakala kwezimali.”

Umnumzana Wallace Banda ongumlimisi esebenzela inkampani yenhlanyelo eyeSeed-Co uthi laloba indawo zemaNdebeleni zibikwa zingatholi izulu elinengi, zikhona kodwa ezinye indawo ezilomhlabathi omuhle okokuthi zilakho ukuba lesivuno esihle.

“Into engayinanzelelayo yikuthi iMandebele siyazi inguRegion five kodwa nxaa ngikhangela umumo womkhathi ngiyabona ukuthi kulendawo ezilakho ukuthi zisinike isivuno ukuthi silime inhlanyelo ezilesivuno eziphezulu. Indawo lezi zigoqela oLusulu eBinga, Ompala one ede-Beer, lapho esingasebenzisa ihlanyelo ezilesivuno esiphezulu”

Unkosazana Yunah Dlodlo ovela kunkampani eyeTotal Farm Solutions abaletha indlela zalamuhla zokulima amaGreen House uthi abalimi bayakhuthazwa ukusebenzisa lezindlela.

“AmaGreen house alungeleni especially for iMatabeleland region. Sikhangele ukuthi amatamatisi amanengi avelela eHarare, kodwa igreen house yenza isivumo esiphezulu kuletamatisi elilinywe phansi.Ungakhangela iGreen house yethu esiyenzayo ihundred and twenty square metres, sikhangelele ukuthi izakupha 8tonnes to ten tonnes for iCropping season eyiOne. Singaba lamaFarmers amanengi alamaGreenhouse asisoze siding amatamatisi avele phandle.”

Unkosikazi Loveness Gatsheni umlimi weSigodini wamukele ngenjabulo indlela ezintsha zokulima azizwe emhlanganweni lo ezinjenge Greenhouse.

“Ngikuthokozele ukuba lapha, I was inspired ngezinye izinto engizizwileyo ikakhulu indaba yeGreenhouse ngoba lami mgilendawo ebengifuna ukuyifaka khona. Nxa singancediswa njengabomama singaphathiseka, siyazama ukujoina amaSupport groups kodwa kuyasilela lapha emalini. Ngibonengathi isizwe singaya phambili nxa sincedisana.”

Umnumzana Nkosana Sunnboy Mpofu umgcinisikhwama weMatabeleland Development Initiative uthi bakuthakazelele kakhulu ukuthi abalimi behlangane labayibo ababalethela ulwazi njalo bayafisa ukuthi baqhubeke besenza lokhu kuthuthukiswe umkhono weMatabeleland.

“Ngiyajabula kakhulu ngalelithuba engilithole lamhlanje ukuthi abalimi behlangane ndawonye lamaService providers especially the new technology eyeTotal Farm Solutions. Ngiyafia ukuthi siqhubekele phambili sisiba le-such meetings.

Ibhanga leAgribank lalo lethule uhlelo lwalo olokubolekisa abalimi imali ngomthelo we interest ophansi. Abenkampani yeCold Storage Commission labo bebekhona ngolwabo uhlelo oluzaphathisa abalimi abafuya inkomo. Ezinye inhlanganiso lamankampani ebezise mhlanganaweni lo, zigoqela oNgwebu, Total Farm Solutions, labalimi abazimele bodwa.

Abalimi bakhulume izikhalazo zabo ezigoqela izibambiso ezidingakalayo kwesinye isikhathi ezenza kucine kusiba nzima ukuthi baphatheke kulezinhlelo. Abalimi abanengi baveze ukudana ngokulethwa kwezilimo ezinengi ezivela phandle kwesigaba loba nje bona besenelisa ukuzilimela esigabeni.

Udaba lokuthuthukisa umsebenzi wokulima eeMandebeleni siluphiwa nguBathabile Masuku
please wait

No media source currently available

0:00 0:06:02 0:00

Facebook Forum

XS
SM
MD
LG