amalinks wokungena

Breaking News

Umanyano weMDC Alliance Wabela Amabandla Aphikisayo Indawo Zokuncintisa Kukhetho Oluzayo


Inkokheli yomanyano weMDC Alliance.

Annahstacia Ndlovu

Amabandla aphikisa elibusayo aphansi komanyano weMovement for Democratic Change (MDC) Alliance asethule umbiko oveza izigaba abayabelane zona eqondane lamalunga amabandla abo afuna ukuncintisa kukhetho oluzayo olukhangelele ukubakhona kumnyaka ozayo.
Ayisikhombisa amabandla aseyenze lokhu ngesikhathi kulungiselelwa ukhetho oluzakwenziwa ngomnyaka ozayo.

Ibandla leMDC-T lithole indawo ezedula ikhulu-115, ibandla leMDC elikhokhelwa nguProfessor Welshman Ncube lathole ama-constituencies edlula amatshumi amathathu- 32, kuthi iPeople's Democratic Party kaMnu. Tendai Biti yona yathole amatshumi amabili-20.

Isikhulumeli seMDC Alliance, uProf. Welshman Ncube, utshele umsakazo weStudio 7 ukuthi inkokheli zamabandla zisazohlala kunyanga ezayo mayelana lodaba lolu ngakho ngeke atsho okunengi.

Unobhala jikelele wabatsha kubandla leMDC, uMnu. Discent Bhajila, uvumile ukuba ibandla lakhe selibabikele abantu ngamaconstituency abawabeleyo.

Isikhulumeli seMDC-T, uNkosazana Thabitha Khumalo, uthe bona ebandleni labo bebengakawutholi umbiko wama constituencies abawabelweyo ngoba besalinde ozavela ebandleni lakhe.

Indawo ebilo Nkosazana Thabitha isiphiwe uSenator David Coltart. Uthe ebuzwa ngakho wathi kakaziswa libandla lakhe njalo kutsho ukuthi uzathunywa njalo ukuyasebenza kwezinye indawo zebandla kusiya ngokuthi ibandla lihleleni.

Ohlaziya ngezombusazwe ezweni, uMnunzana Effie Ncube, uchaze ukuba osekwenziwe yiMDC Alliance sekuveze ukukhula okukhulu kwezombusazwe.

Esinye isakhmuzi sakoBulawayo uMnunzna Lungelo Ndlovu uthi kukhanya kuyisenzo esihle kodwa esizadala ukuxabana okuthize kumabandla la ngoba bebekhona abakade besebenze gadalala bekhangelele ukuya edale lephalamende.

Uthe kulabo abasele phandle kuzakubabuhlungu kubangele ukuthi bengavoteli amabandla abo.

Imibiko ekhutshwe ngamabandla la ichaze ukuba akulamuntu ozaletha ugwalo lwakhe lukhombisa ukufuna ukuma kuconstituency engekho kuluhlu abaluphiweyo.

Kumhlangano lenhlanganiso ezizimeleyo koBulawayo, umongameli weMDC-T, uMnu. Morgan uTsvangirai, watshiya abantu becaphukile ngemva kokubika ukuba sebevele sebelabantu abazabamela kukhetho oluzayo njalo ibandla lakhe aliyikumikhankaso yokukhetha abantu abazabamela ephalamende.

Kubandla leMDC ekhokhelwa nguProfessor Ncube, indawo yeBulawayo South ihle yaphiwa uSen Coltart. Akulamuntu olemvumo yokuphikisana lesinqumo lesi kubandla lakhe abanye abantu abathi idemocracy isiyekuphi uma sekulabantu abazaphiwa izihlalo bengazikhankaselanga.

Udaba Esilethulwe NguAnnahstacia Ndlovu
please wait

No media source currently available

0:00 0:05:04 0:00

Facebook Forum

XS
SM
MD
LG