amalinks wokungena

Breaking News

MDC Alliance: Sesibuthanisile Ubufakazi Bokuphikisa Impumela Yokhetho


UMnu. Thabani Moyo labanye abakhangelane lokuphanyeka udaba lokhetho emthethwandaba.

Amagqwetha amele umkhokheli womanyano weMDC Alliance, uMnu. Nelson Chamisa, kudaba lokuphikisa impumela yokhetho luka mongameli olusanda kwenziwa bathi sebelungele ukuya emthethwandaba.

Amagqwetha la, athi sebebuthanise ubufakazi bonke obufunakalayo osokusele yikuya emthethwandaba waphezulu owe Constitutional Court phakathi kwesikhathi esisemthethweni sokuthi benze lokho.

Umkhokheli wequla lamagqwetha, uMnu. Thabani Mpofu, uveze lokhu emhlanganweni lentathelizindaba eHarare wokwazisa ngesibanga asebekuso kunyathelo labo lokukhweza udaba lwabo lokuphikisa impumela yokhetho lukamongameli emthethwandaba weConstitutional Court.

"Amaphepha awe court sesiwalungisile sekuzamele siwase emthethwandaba. So, thina njengamagwetha umthetho usitshela ukuthi uma singathabi ngempumela yokhetho kumele sikuthathe siye emthethwandaba nxa silobufakazi obusitshengisa ukuthi into zimi kanjani. Njengamagqwetha thina sithe, ukuthi amanye amagqwetha, ama judge sekhangela ubufakazi azabona ukuthi bayolwahlula njani loludaba.

Ukugcotshwa kukaMongameli Emmerson Mnangagwa uthi akusoze kwaphumelela ngoba bayabe sebekhweze udaba lwabo emthethwandaba.

"Kakuphumeleli,akula into enjalo,bayazikhohlisa,ngabantu abazikhohlisayo. Batshiye ba,abala nto zokwenza,akula msebenzi.Bayazikhohlisa,banike ithuba lokuthi bazikhohlise".

Isikhulumeli somkhokheli womanyano wamabandla aphikisayo owe MDC Alliance, u Dr Nkululeko Sibanda obekulomhlangano laye, usole ukuhlukunyezwa kwenkokheli yalumanyano okulokhe kuqhubeka elizweni.

"UPresident Nelson Chamisa utshilo ukutshona kwayizolo ukuthi ukuhlukunyezwa kwabantu yinto embi ayifanelanga yenzakale kuleli lizwe. Watsho njalo ukuthi,wakhulumisana labantu abanengi ukuthi,amazwe amanengi asekhulumile. Abe Europe i European Union even abe Africa sebekhulumile ukuthi hayi,ukuhlukunyezwa kwabantu kakume. U President Nelson Chamisa uthola ukusekelwa yilizwe lonke,bonke besithi hayi,ukuhlukumezwa kwabantu kufanele ke kume,ayisiyo indlela esingakha ngayo ilizwe sisiya phambili".

USibanda uchaze ukuhlukunyezwa kwabantu njengobugwala balabo abesaba okuvezwa kobuqili obenziwa yinkokheli yeZanu Pf kumpumela yokhetho esiphikiswa edale.

"Besaba khona ukuthi abantu beZimbabwe abavotelanga i Zanu,ngakho njengoba i Zanu isazi ukuthi abavotelwanga,bazama ukuthi baqhubekele phambili bebusa ngodlame,ukuthi besabise abantu ukuthi hayi lingabuzi ukuthi yindaba sisemandleni thina singavotelwanga. Siyakwazi ukuthi bazama ukuthi bale besembusweni".

UMpofu uthe ebuzwa ngobufakazi abalabo bokuphikisa impumela yokhetho akathandanga ukuyiveza kanye njalo lokuthi kuyiwa nini emthethwandaba.

Uthi kodwa lokho kuzokwenziwa phakathi kwensuk esiyisikhombisa kusukela ngelanga lapho abikwe ukuthi unqobile kukhetho ebethwa ngegama.

Lungakhwezwa edale loludaba lokuphikisa impumela yokhetho lukamongameli lwamhal ka 30 Ntulikazi olwabetha umkhokheli webandla le Zanu Pf umnumzana Emmerson Mnangagwa ukuba walunqoba,kuyabe sekukumiswa ukugcotshwa kwakhe luze luhlafunwe ngabahluleli.

please wait

No media source currently available

0:00 0:03:23 0:00

Facebook Forum

XS
SM
MD
LG