amalinks wokungena

Breaking News

MDC: Kulihlazo Okwenziwa Ngabalwa Impi Yenkululeko eNjelele


Icele leMDC elikhokhelwa nguMnu Welshman Ncube selisole abazithi ngabalwa impi yenkululeko abaye eNjelele ngoLwesithathu bayakwenza imicimbicimbi yabo besithi bageza umnyama.

Abantu laba bebevela ezigabeni ezitshiyeneyo zeMashonaland behamba lezinduna kanye labanye abosiko bakulezondawo.

Kodwa izinduna zeMatabeleland bezingekho njalo lazo zibikwa zisole kakhulu isehlakalo lesi. Abanye njalo abazithi ngabalwa impi yenkulukelo benze ihlazo elifanayo kunyanga ezedluleyo.

Umkhokheli wabalwa impi yenkululeko abasekela ibandla leZanu PF uMnu Jabulani Sibanda kunyanga ezedluleyo laye usole abantu laba esithi benza ihlazo.
please wait

No media source currently available

0:00 0:02:34 0:00
Lapho esitholakala khona


Udaba lolu luke lwaphathwa njalo lidale leZanu PF Politburo inkokheli yeMatabeleland kubandla leli isithi akumelanga abalwa impi yenkululeko laba basuke endaweni zabo ezikatshana besiyangcolisa iNjelele.

"Sibona bengabantu abakwenzela igunya," kutsho uDube, "ukuthi batshengise ukuthi bafuna ukwenza okwabo benganakekile ukuthi abanye impilo yabo bona bafuna ukuyiphila njani."

INjelele yindawo ehlonitshwayo kakhulu nguzulu weMaNdebeleni lapho abika khona inhlupho zakhe ezigoqela ukucela izulu kwabaphansi nxa kuthe kwaba lendlala kumbe umonakalo omkhulu esigabeni.

"Bafuna ukuthi bahle babhidlize imbiza yosiko lweSiNdebeleni. Lokhu ayisiyo indlela iZimbabwe emele ibe yikho khona. EZimbabwe kumele bonke abantu bahloniphane ukwenzela ukuthi singaqali ezinye impi ezingelangqondo ngenxa yokudelelana lokuthukana kobuntu bethu," kuxwayise uDube.
XS
SM
MD
LG