amalinks wokungena

Breaking News

Umbuthano weRally yeMDC Alliance Ugcizelela Ukuthi UMnu. Tsvangirai Nguye Ozamela Lumanyano


Umhlangano weMDC-Alliance Rally

Umanyano weMDC Alliance ubulomhlangano omkhulu we rally eHarare ngeSonto lapho ogcizelele ukuthi uMnu. Morgan Tsvangirayi nguye ozancintisa isikhundla sikamongameli kukhetho oluzayo lanxa elwisana lomkhuhlane wemvukuzane..

Umnanyano we MDC alliance, okhokhelwa ngumnu. Morgan Tsvangirai ubulohlelo oluthiwa Chakachaya lapho kade kungenziwa mbuthano yamarally.

Kodwa ngeMpelaSoonto lumanyano lawo uphume ijumo wayathi gwaqa emuzini we Epworth eHarare lapho amalunga omanynano lo athi uMnu. Morgan Tsvangirayi nguye kuphela ozancintisa isikhundla sikamongameli kukhetho oluzayo emele lumanyano lanxa engaphilanga kuhle njalo eselatshwa kwele South Africa.

Abalandeli balamabandla inengi lawo kungabeMDC ekhokhelwa ngMnumzana Morgan Tsvangirayi,Cabakade beze kulomhlangano wakuqala wokukhankasela ukulungiselelwa kokhetho lwalonyaka,batshengise ukuvumelana lenkokheli yabo besithi ukugula kukaMnu. Tsvangirai akulandaba.

Omunye wabasekeli baka Mnu. Tsvangirai, uMnu. Nelson Chamisa,uthi umanyano wamabandla aphikisayo yiyo kuphela indlela engasusa umbuso we Zanu PF.

Abeze kulumhlangano ababalisa ophethe isikhundla sokuqoqwa kwenhlelo kubandla le MDC elikhokhelwa ngu sikhwicamfundo Welshman Ncube, uNkosikazi Hellen Mhlanga uthi ukhetho luka 2018 lithuba elihle lokukhupha ibandla leZANU PF embusweni.

Lokhu kugcizelelwe ngumgcinisihlalo wohlangothi lwabesifazane emzini we Epworth ebandleni le MDC-T uNkosikazi Sazini Kaitano.

Inkokheli yalamabandla akumanyano we MDC Alliance ikhuthaza njalo abamanye amabandla aphikisayo ukuba bezomanyana labo ukulungiselela ukhetho luka 2018.

UMavis Gama Uyalandisa
please wait
Embed

No media source currently available

0:00 0:03:36 0:00

Facebook Forum

XS
SM
MD
LG