Ibandla leMDC lithi lisola ukuba khona kwamasotsha ngobunengi bawo ezigabeni ezinengi zelizwe, ezigoqela iMurewa, iMutoko, leChinhoyi kulandela ukwaliswa kwebandla leli ukuthi litshengisele kulezi indawo ngamapholisa, lisithi lokhu yikubethusela.
Ibandla leMDC livinjelwe ukutshengisela emadolobheni phose wonke ngamapholisa kumaviki edluleyo njalo lithi lokhu yikwephulwa kwesisekelo sombuso ngoba balemvumo yokwenza lokhu.
Iziphathamandla zikahulumende ezitshiyeneyo zibikwa zisithi kusobala ukuthi ibandla leMDC lifuna ukubangela udlakela kanye lokugenqula uhulumende kamongameli Emmerson Mnangagwa ngalokhu ukutshengisela.
Ukucubungula loludaba,sixoxe loMnu. Max Mnkandla, ingcwethi ecubungula ezombusazwe, njalo owayelilunga lebutho leZimbabwe National Army leleZIPRA.
