Icele le MDC elikhokhelwa ngumnumzana Morgan Tsvangirai seligcizelele isinqumo salo sokuthi leli bandla kalisoze liphatheke kukhetho oluzakwenziwa elizweni nxa kungabanga lenguquko emithethweni ephathelane lezokhetho eZimbabwe. Amalunga edale lekhansili yaphezulu yaleli bandla ele National Council lele National Executive ahlangene ngoLwesihlanu esigodlweni saleli bandla ese Harvest House esise Harare avumelana wonke kulesi sinqumo.
Umongameli Robert Mugabe usenqume ukuba umhlaka 10 Nhlangula 2015 yilo ilanga elizaqhutshwa ngalo ukhetho lokudinga abazathatha izikhundla ezilitshumi lane ezasala zingasela bantu ngemva kokuxotshwa kwamalunga e-MDC Renewal Team, bexotshiwe yi-MDC-T.
Amalunga e-MDC Renewal Team lokhe esaphikisa leli nyathelo emthethwandaba othetha indaba eziphathelane lesisekelo sombuso owe Constitution Court.