Icele leMDC elikhokhelwa nguMnu Morgan Tsvangirai lithi lanxa lifuna ukhetho lwenziwe ngomnyaka ozayo, seliqalisile ukululungiselela alubana luthe lwaba khona lonyaka.
I National Executive yalelibandla iveze ngoLwesithathu ngemva komhlangano ewenzele eHarare ukuthi amalunga ebandla seqalisile ukudinga usekelo elizweni jekelele njalo eqoqa lengatsha zebandla.
Isole njalo amalunga edale lephalamende abikwa etshaphaza imali yokuthuthukisa izabelo yathi abalecala kumele babotshwe.
Kulamalunga alelibandla amabili abotshwe kunsukwana ezedluleyo ngalelicala njalo amanye abikwa secatshile. Isikhulumeli seMDC-T, uNkosazana Thabitha Khumalo uthi abalecala kumele babotshwe.
