amalinks wokungena

Breaking News

MDC-T: YiCongress Kuphela Engalamula uMaKhupe loChamisa


Ibandla leMDC-T eMelika lithi umhlangano weCongress yiwo wodwa ongaqeda umbango wesikhundla sikaMnu Morgan Tsvangirai yena olakho ukutshiya yiloba nini.

UTsvangirai uthwaliswe nzima ngumkhuhlane wemvukuzane njalo uyelatshwa kweleSouth Africa.

Abalwela isikhundla sakhe nguMnu Nelson Chamisa loNkosazana Thokozani Khupe. Ababili laba yingwe lenja.

Abasekeli bakaMakhupe bathi nguye omele ethatha isikhundla sikaTsvangirai ngoba wakhethwa ngabasekeli bebandla emhlanganweni weCongress.

Bathi uChamisa kamelanga angene esikhundleni lesi ngoba kakhethwanga nguzulu. UChamisa wakhethwa nguTsvangirai eyedwa.

Abasekeli bakaChamisa bathi nguye omele elame uMnu Tsvangirai ngoba engumkhokheli olohlonzi ukwedlula uMaKhupe, yena abathi ngeke enqobe kukhetho oluzayo.

Umgcinisihlalo weMDC-T eMelika uMnu Den Moyo uthi ababili laba kumele belanyulwe ngumhlangano weCongress lapho abasekeli bebandla abazakhetha khona umkhokheli wabo omutsha alubana uTsvangirai ethe wasuka.

please wait
Embed

No media source currently available

0:00 0:03:06 0:00

Facebook Forum

XS
SM
MD
LG