HARARE —
Icele le Movement for Democratic Change elikhokhelwa ngumnumzana Morgan Tsvangirayi lithi yilo kuphela elingenelisa ukuvuselela umnotho weZimbabwe ngoba bethi uhulumende kamongameli Robert Mugabe lebandla lakhe leZanu PF sebephelelwe ngamacebo bengasazi ukuba benzeni.
UDr Tapiwa Mashakada isiphathamandla seMDC-T esibona ngezenotho lezamaindustry utsho lokhu emhlanganweni lentathelizindaba owenzelwe emahofisini ebandla lakhe eHarvest House eHarare lamhla.
UMashakada obekhatshwe yisikhulumeli salelibandla umnumzana Douglas Mwonzora kanye lomqondisi wenhlelo zalelibandla umnumzana Nelson Chamisa,utshele intathelizindaba ukuba uhulumende okhona usekubonile njalo uyavuma ukuba kazimanga kuhle ezomnotho elizweni.
Uthi kunje inkokheli zeZanu PF ebezisala ukwemukela ukucetshiswa ngesikhathi sikahulumende womanyano, sezikhuluma khona kanye abekade bekutsho okubalisa ukuba kuthiweni ukuvuselela umnotho elizweni.
Kodwa uzulu weZimbabwe uthi linkulumo yenkokheli ye MDC kuyinkulumo yabantu asebengasanelisi ukuthola lokho abekade bekuthola ngesikhathi bekuhulumende womanyano.
U Jeffry Moyo oyintathelizindaba eloba izimele njalo esebenzela eHarare uthi akamangaliswa yinkulumo kaMashakada phezu komnotho welizwe.
UMoyo uthi izenzo zabeMDC-T laba ziyafana xathu lezabe Zanu PF ngoba ethi uzulu munye okade emmelwe yibo bekuhulumende womanyano nguye olokhe edubeka khathesi.
Abe MDC-T basola uhlelo lokutholisa abensundu amandla kumankampani olwe Indiginisation besithi ngolunye olubangela ukuthikaza kwabafisa ukuzasungula amankampani eZimbabwe.
Bathi imizamo yenkokheli kahulumende weZanu PF yokuchasisa phezu kwaloluhlelo lweIndigenization ingancedi ngoba umele uguqulwe kuqala lowo mithetho anduba abakwamanye amazwe babe lethemba ukuba kabayi kuphazanyiswa ekuqhubeni imisebenzi yabo kuleli.
Uhulumende okhona wephula ilungelo loluntu ngokuphazamisa imisebenzi yentuthuko elizweni, amankampani lokhe evalwa kokuphela, abantu bephelelwa yimisebenzi batshonjalo abeMDC-T.
Ingcwethi zezenotho kanye lozulu osengasela themba lebandla leMDC-T bathi asebekukhuluma lokhu abebandla leli sebekukhuluma khathesi sebengaphandle kukahulumende kodwa besesekuhulumende womanyano labo babesenza njengakhonokho okwenziwa yiZanu PF.
UDr Tapiwa Mashakada isiphathamandla seMDC-T esibona ngezenotho lezamaindustry utsho lokhu emhlanganweni lentathelizindaba owenzelwe emahofisini ebandla lakhe eHarvest House eHarare lamhla.
UMashakada obekhatshwe yisikhulumeli salelibandla umnumzana Douglas Mwonzora kanye lomqondisi wenhlelo zalelibandla umnumzana Nelson Chamisa,utshele intathelizindaba ukuba uhulumende okhona usekubonile njalo uyavuma ukuba kazimanga kuhle ezomnotho elizweni.
Uthi kunje inkokheli zeZanu PF ebezisala ukwemukela ukucetshiswa ngesikhathi sikahulumende womanyano, sezikhuluma khona kanye abekade bekutsho okubalisa ukuba kuthiweni ukuvuselela umnotho elizweni.
Kodwa uzulu weZimbabwe uthi linkulumo yenkokheli ye MDC kuyinkulumo yabantu asebengasanelisi ukuthola lokho abekade bekuthola ngesikhathi bekuhulumende womanyano.
U Jeffry Moyo oyintathelizindaba eloba izimele njalo esebenzela eHarare uthi akamangaliswa yinkulumo kaMashakada phezu komnotho welizwe.
UMoyo uthi izenzo zabeMDC-T laba ziyafana xathu lezabe Zanu PF ngoba ethi uzulu munye okade emmelwe yibo bekuhulumende womanyano nguye olokhe edubeka khathesi.
Abe MDC-T basola uhlelo lokutholisa abensundu amandla kumankampani olwe Indiginisation besithi ngolunye olubangela ukuthikaza kwabafisa ukuzasungula amankampani eZimbabwe.
Bathi imizamo yenkokheli kahulumende weZanu PF yokuchasisa phezu kwaloluhlelo lweIndigenization ingancedi ngoba umele uguqulwe kuqala lowo mithetho anduba abakwamanye amazwe babe lethemba ukuba kabayi kuphazanyiswa ekuqhubeni imisebenzi yabo kuleli.
Uhulumende okhona wephula ilungelo loluntu ngokuphazamisa imisebenzi yentuthuko elizweni, amankampani lokhe evalwa kokuphela, abantu bephelelwa yimisebenzi batshonjalo abeMDC-T.
Ingcwethi zezenotho kanye lozulu osengasela themba lebandla leMDC-T bathi asebekukhuluma lokhu abebandla leli sebekukhuluma khathesi sebengaphandle kukahulumende kodwa besesekuhulumende womanyano labo babesenza njengakhonokho okwenziwa yiZanu PF.