amalinks wokungena

Breaking News

Izizalwane zeZimbabwe Ezihlala eSouth Africa Zifuna Ukuvota Kukhetho Oluzayo


Izizalwane zeZimbabwe ezazivota ngomnyaka ka2018.

Abasekeli bebandla leMDC-T kwele South Africa bathi njengoba kulezigidi zezizalwane zeZimbabwe eziphandle kwelizwe, inyathelo lakuqala lokuthi bezizwe beyingxenye yakho konke okwenzakala elizweni yikuthi bavunyelwe ukuvota besemazweni abahlala lokusebenza kuwo.

Obona ngokuqoqwa kwenhlelo zebandla leMDC-T kwele South Africa, uMnumnzana Trust Ndlovu, uthi bafuna uMongameli Mnangagwa acace ngokuthi umi kuphi ngodaba lolu.

UNdlovu uthi: “Vele khona asikho isizatho esokuthi angalisa abantu njengomuntu oziprojector as indoda efuna ukufeza izidingo lama interest abantu. Ngoba lomthetho wesisekelo uyatsho ukuthi wonke umuntu ulelungelo lokuthi akwazi ukuvota kungenani lokuthi uhlalaphi.”

Esinye isiphathamandla seMDC-T kweleSouth Africa, uMnumnzana Austin Moyo, uthi yinto eyaziwa ngumuntu wonke ukuthi umnotho weZimbabwe weyeme kakhulu kuzizalwane zalo eziphandle kwelizwe.

“Laba abantu abangaphandle bafuna ukuthi bebesemsebenzini la abakhona. Kodwake yibo futhi abantu abathumela over $1 billion ekhaya every year. Kufanele ukuthi nabo babe nesabelo sokuthi bakhulume. Indlela yokuthi bakhulume iyodwa, yindlela yokuthi labo bakwazi ukuvota bekulezo ndawo la abasagcinwe khona okwamanje”, kutsho uMoyo.

Lumbono weMDC-T usekelwa yizizalwane zeZimbabwe ezinengi.

Isizalwane seZimbabwe kweleSouth Africa, uMnumnzana Ngqabutho Sibanda, uthi asikho isipho abangasithola kumongameli omutsha njengabantu abasemazweni esedlula ilungelo lokuphatheka ekhethweni.

“Besilaso isifiso sokuthi siyevota kodwa uthole ukuthi isikhathi sokuyafika ekhaya ukuze uyovota lemali yiyo into esuke ibenzima kodwa isifiso siyabe sikhona ebantwini. Ma engasivumela lathi sikwazi ukuvota silapho esikhona singajabula kulokho,” kutsho uSibanda.

Esinye njalo isizalwane seZimbabwe uMnumnzana Mfundo Hlabangana uthi usekela ngokugcweleyo umbono weMDC-T.

Kutsho uHlabangane: “Vele ngempela akuvotwe especially emazweni esibanengi kakhulu. Njengabo Pitoli, eJohannesburg, eCape Town lasemazweni afana labo Botswana, eUK kufanele kulezo ndawo kuvotwe”.

UMnumnzana Khulekani Moyo yena uthi ngaphandle kokuthi izizalwane zeZimbabwe zibe yingxenye yokukhetha ababusi, akungeke kutshiwo ukuthi zilesabelo kulokhu okwenzakala eZimbabwe.

“Njengamanjenje kusa rejestwanje akube kuvumakala ukuthi laba bantu abazabe bebheke lezo zinto kumadiasporala bevunyelwe ukubana baye rejestisa abantu. Abantu ba registe ukhona ngapho phandle kulelo lizwe okhona,” kutsho uMoyo.

UMnumnzana Trust Ndlovu uthi ibandla lakhe liqhubekela phambili, ngomkhankaso wokuncedisa izizalwane zeZimbabwe kweleSouth Africa ukuthi ziye ekhaya ziyebhalisela ukuvota.

Uthi lobanje besemukela inkulumo zikamnumnzana Mnangagwa zokufuna ukugoqela umuntu onke endabeni zelizwe, bafuna ukubona inguquko kwezokuqhutshwa kokhetho, kwezokwethulwa kwemibiko, kanye lokungasetshenziswa kwamaviyo ezomvikela, afana lama CIO, mahlayana.

please wait

No media source currently available

0:00 0:03:34 0:00

please wait

No media source currently available

0:00 0:03:34 0:00



Facebook Forum

XS
SM
MD
LG