amalinks wokungena

Breaking News

MDC-T Khupe: I-Congress Yethu Izakwenziwa Mhlaka 21 kuMabasa


Icele leMDC-T elikhokhelwa nguNkosazana Thokozani Khupe lithi umhlangano walo wokukhetha inkokheli entsha obumele wenzelwe koBulawayo mhlaka 7 kulinyanga usuzakwenziwa mhlaka 21.

Ibandla leli lithi lidlulisele phambili iCongress yalo ngemva kokunanzelela ukuthi icele elikhokhelwa nguMnu Nelson Chamisa lalo lizakuba lomhlangano weMDC Alliance edolobheni linye ngelanga elifanayo.

Isikhulumeli sikaNkosazana Khupe uMnu Witness Dube utshele iStudio 7 ukuthi badlulisele umhlangano wabo phambili ngoba besesaba ukuthi bengahlaselwa ngabasekeli bakaChamisa kube lodlakela.

UMaKhupe labasekeli bakhe bayehlukane lecele likaChamisa ngenyanga edluleyo kulandela ukuxabana kwababili laba bebandla ubukhokheli bebandla obutshiywe nguMnu Morgan Tsvangirai.

please wait

No media source currently available

0:00 0:02:03 0:00

Facebook Forum

XS
SM
MD
LG