amalinks wokungena

Breaking News

MDC-T: Umsakazo weZBC Ufuna Siwubhadale Ukuze Usakaze Imikhankaso Yethu


Ibandla leMDC-T lithi umsakazo weZBC uqhubeka usala ukwethulela uzulu izindaba eziphathelane lomkhankaso walo wokudinga usekelo phambilini kokhetho.

Umsakazo lo usebenza weyamele kuhlangothi lweZanu PF esikhathini esinengi lanxa nje umele ube ngumsakazo kazulu ongelahlangothi olusekelayo.

I-MDC-T ithi umsakazo lo uyala ukusakaza imikhankaso yayo usithi kumele lelibandla liqale libhadale imali efika phose ingxenye yesigidi, i$400 000.

Kodwa lelibandla lithi okumangalisayo yikuthi umsakazo iZBC yethula imikhankaso yeZanu PF mihla lamalanga kungelambadalo.

“Sesike sakhuluma labo abeZBC kanye labekomishini yezokhetho kodwa kukhanya kuyala,” kutsho isikhulumeli sebandla leMDCT uNkosazana Thabitha Khumalo.

UMaKhumalo uthe ibandla lakhe selifikise izikhalazo zalo ezigoqela sona lesi eseZBC kuqula leSadc ebeliseZimbabwe kumaviki edluleyo lizehlola ukuthi amalungiselelo okhetho ahamba kuhle na.

please wait

No media source currently available

0:00 0:03:03 0:00

Facebook Forum

XS
SM
MD
LG