amalinks wokungena

Breaking News

'Kumele Kulungiswe Imithetho Ezakwenza Ukuthi Uzulu Athole Imithi Elentengo Ephansi'


Abenhlanganiso yamagqwetha abona ngokulondolozwa kwelungelo loluntu eye Zimbabwe Lawyers for Human Rights bakhuthaza iziphathamandla zenhlangothi ezehlukeneyo ukuba zilandele imithetho yokulondolozwa kwemisebenzi yokukhalipha eye Intellectual Properties Rights and Access to Medicines ngokwaneleyo.

Bathi lokhu kuzakwenza kubelula ukuthi abantu bathole imithi ebiza imali ephansi.

Abenhlanganiso le bathi lanxa ikhona imithetho ephatha ngokulondolozwa kwemisebenzi yokukhalipha kobungcwethi benqondo okugoqela eyokulungiswa kwemithi, milutshwana esetshenziswayo eZimbabwe.

UNkosikazi Prisca Dube oweZLHR uthi kuzosiza ekuthini kutholakale leyo mithi ngendlela ezilula ezingaduliyo ngasikhathi sinye kusiba ngokulethela inzuzo kulabo abayabe beyilungisile leyo mithi imisebenzi yabo yengqondo ibalethele inzuzo okwesikhathi eside.

Ukulandelwa kwemithetho elondoloza imisebenzi yenqondo eyehlukeneyo eyenziwa nguzulu okubalisa ulwazi kwezemithi loba eyesintu, abe ZLHR bathi kuzosiza ukuvikela ukuntshontshwa kwalolo lwazi ngoba sekubhaliswe phansi ukuthi kwazakala ukuba kuyini okuhlanganisiweyo kiyo.

Okwamanje abe ZLHR bathi kulusizi ngoba engekho ozihluphayo ukuluqakathekisa lokululondoloza loluhlangothi osekubangele ukuntshontshwa kolwazi kunhlangothi ezehlukeneyo kulabo abalalo, besiba ngabayanga bona, kunotha amasela eselusebenzisa wona.

Bathi okumele kwaziwe yikuba inotho isengqondweni ngakho kumele ilondolozwe leyo notho kusetshenziswa imithetho ye Intellectual Property and Access to Medicines.

Udaba Esilethulele NguMavis Gama
please wait

No media source currently available

0:00 0:03:15 0:00

Facebook Forum

XS
SM
MD
LG