amalinks wokungena

Breaking News

UMnangagwa Ufuna abeZanu PF Babisele Abakuntshontshayo Kusese Lesikhathi


Emhlanganweni weZanu PF Central Committee

Umongameli Emmerson Mnangagwa onguye njalo unobhlala jikelele weZanu Pf, uxwayisa abazakwehluleka ukubuyisela abakuntshontshayo ngesikhathi esibethiweyo ethi uzobaveza amagama abo nxa inyanga ezintathu zingedlula ngoba ebazi.

Bekudunyiswa uMdali emhlanganweni wedale leCentral Committee eleZanu PF, umongameli Mnangagwa esethula umbiko wakhe esigodlweni sebandla lakhe wokwandulela owe Extra Ordinary Congress. Uthi kusiyafika inyanga kaMbimbitho womnyaka ozayo, kumele sebekwenzile lokho abathatha impahla lemali kahulumende ngendlela zokungathembeki.

Zimbabwe New President
Zimbabwe New President

Wengeze ethi uzimisele ukuqhuba ukhetho olwamukelwa nguye wonke umuntu elizweni lakwamanye amazwe lapho soluqhutshwa.

Kusenjalo uMnangagwa wazise ukuba inhlangothi ezibalisa olwabasakhulayo kanye lwabesifazane, besezonakele kumele zilungisiswe, ukuze zihambelane lokufunwa libandla.

Uveze njalo ukuba khona ezaokwazisa ngenkokheli entsha yohlangothi lwabesifazane kulandela ukuxotshwa kwalabo abakade bekhona. Utshele amalunga angamakhulu amathathu-300 aleli dale ukuba kumele zingaphindi njalo izehlakalo zangemuva lapho iqula lababesithi ngabe G40, besebesenza izigigaba ukuphazamisa ibandla.

Uqonqosele ukuzinikela kwamalunga eCentral Committee laba ekuvuseleleni isimo seZanu Pf, baxolelwe abaxotshwayo abakade besebenzisana labe G40 lapho betshengise ukuthi bayananzelela ukuthi baphosisa, kodwa babaqaphele kulabo abaqinisa amakhanda.

please wait

No media source currently available

0:00 0:02:15 0:00

Facebook Forum

XS
SM
MD
LG