amalinks wokungena

Breaking News

Mnangagwa: Ukhetho Solwedlule Ngakho Sokufanele Silungise Umnotho Welizwe


Emmerson Mnangagwa

Umongameli Mnangagwa uthe iZimbabwe yenelisile ukuqhuba ukhetho olulokuthula kodwa lokhu sokuphanjaniswe ngumanyano wamabadla aphikisayo owe MDC Alliance.

UMongameli Emmerson Mnangagwa uthi eleZimbabwe sokufanele liqakathekise ukuthuthukisa ezomnotho welizwe njalo lihloniphe amaqhawe alwela ilizwe.

Umongameli Mnangagwa ubekhuluma eHarare ngoMvulo emathuneni amaqhawe eHeroes’ Acre emkhosini wokukhumbula abalwela inkululeko eyaletha uzibuse ngomnyaka ka 1980.

Lokhu kwenzakala ngemva kokhetho osoluphikiswe impumela yalo ikakhulu esikhundleni sikamongameli. Umanyano weMDC Alliance uphikisa limpumela emthethwandaba weConstitutional Court.

Umongameli Mnangagwa uthe iZimbabwe isikwazi ukuqhuba ukhetho olulokuthula kodwa lokhu sokuphanjaniswa ngumanyano wamabadla aphikisayo owe MDC Alliance.

“Asithakazeleli udlakela olwabangwa yi MDC Alliance ngemva kokhetho lwethu olwalukhululekile njalo luhlanzekile. Lokhu kwaletha ukufa kwazizalwane zethu, imoya yabo kayiphumule ngokuthula. Ngiphakathi kokulungisa iKhomishini yokuhlubungula udaba lolu. Khathesi sekuyisikhathi sokukhohlwa okwenzakala ngesikhathi sokhetho sikhangelane lekusasa yethu,” kugcizelela umongameli Mnangagwa.

Lokhu kulandulwe ngabomanyano weMDC Alliance besithi uhulumende weZANU PF nguye othumele amasotsha ahlomileyo ukuya lwisana labantu abangahlomanga ezitaladheni abakade besebenzisa ilungelo labo lokutshengisela insolo yabo ngokuphuza kokwethulwa kwempumela yokhetho.

UNkosikazi Sifiso Ndlovu indodakazi yelinye lamaqhawe abekwe kulindawo, uMnu. Naison Ndlovu uthi ilanga leli liyisikhumbuzo salabo abanikela impilo yabo ukukhulula eleZimbabwe.

Omunye obeze beka amaluba ethuneni likayisemkhulu uNkosikazi Dorothy Ndlovu uthi ilanga leli liqakatheke kakhulu ekugcineni imbali yelizwe.

Imuli yowayengumsekeli kamongameli welizwe umuyi uDr Joshua Mqabuko Nkomo layo ibikhona ukuzobeka amaluba emathuneni abalisa elika mfowabo kamuyi uMnu. Stephen Nkomo lomkakhe uNkosikazi Joana Mafuyana Nkomo.

Ekhuluma ngempilo kaJoshua Nkomo, uNkosikazi Irene Nkomo uthe abatsha kumele bakhangele impilo kaMqabuko babelesifiso sokuzinikela ngendlela azinikela ngayo ukuthi abantwana beZimbabwe babe lekusasa enhle.

please wait

No media source currently available

0:00 0:04:35 0:00

KoBulawayo, umkhosi lo unanzwe eNkulumane Provincial Heroes’ Acre lapho inkulungwane lenkulungwane zabantu ebezithe gwaqa zicula njalo zibeka amaluba emathuneni .

please wait

No media source currently available

0:00 0:03:27 0:00

Kusenjalo, ingcwethi ecubungula ezombusazwe uMnu. Max Mnkandla usole amazwi kamongameli Mnangagwa athi ukhetho solwedlule ngakho sokufanele kubhekwe phambili, lanxa kulodaba lokuphikisa impumela yalo emthethwandaba.

please wait

No media source currently available

0:00 0:02:36 0:00

Facebook Forum

XS
SM
MD
LG