amalinks wokungena

Breaking News

Mnangagwa: Uzazibonela uMugabe Engangena Kubandla Eliphikisayo


UMongameli Emmerson Mnangagwa uthi bazathathela uMnu Robert Mugabe amanyathelo nxa kuliqiniso ukuthi uselilunga lebandla elisanda ukusungulwa ngabantu abaxotshwa kuZanu PF eleNational Patriotic Front.

Ibandla leli lisungulwe ngabantu ababekucele leG40 lona elalilwisana loMnu Mnangagwa lingafuni ukuthi abe nguMongameli welizwe.

Umkhokheli walelibandla nguMnu Ambrose Mutinhiri, yena ophume kubandla leZanu PF kumaviki amabili edluleyo. Ezinye iziphathamandla zalo zigoqela umzukulu kaMugabe uMnu Patrick Zhuwawo loMnu Jonathan Moyo.

Ekhuluma labasakhulyo beZanu PF ngoLwesithathu uMnangagwa uthe basaluhlaziya loludaba andubana bamthathele amanyathelo uMugabe.

Izolo njalo amabutho ake athatha izisebenzi zikaMugabe ayazibuzisisa phezu kokuthi angaphi amalunga eG40 abaleke elizweni agoqela uMoyo loMnu Savior Kasukuwere.

Lokhu kubikwa kutshiye imuli kaMugabe ihlukumezekile kakhulu, ikakhulu umkakhe uGrace.

Ingcwethi kwezombusazwe uMnu Dinizulu Macaphulana uthi lokhu kuveza sobala ukuthi umbuso kaMnangagwa ngowebutho.

please wait

No media source currently available

0:00 0:04:25 0:00

Kunjalo nje, amabandla aphikisayo asole amazwi kaMnangagwa awokuthi akuzange kwaba lokuqilibezela kumbe udlame kukhetho luka2008.

Iqiniso yikuthi kufe abantu abedlula ikhulu, inengi kungamalunga eMDC kulolukhetho ebulawa yizikliwi zeZanu PF, kutsho umsekeli wesikhulumeli seMDC ekhokhelwa nguMnu Welshman Ncube uMnu Mbuso Siso.

please wait
Embed

No media source currently available

0:00 0:02:27 0:00

Facebook Forum

XS
SM
MD
LG