amalinks wokungena

Breaking News

Abantu Abanengi Bakhathazwa Yikugula Kuka Morgan Tsvangirai


FILE: UMongameli Emmerson Mnangagwa uhlangana loMnu. Morgan Tsvangirai endlini kaTsvangirai ogulayo ngoZibandlela.
FILE: UMongameli Emmerson Mnangagwa uhlangana loMnu. Morgan Tsvangirai endlini kaTsvangirai ogulayo ngoZibandlela.

Ngesikhathi inengi labezindaba kwele South Africa bebika ukuba umkhuhlane uyamqinela umkhokheli weMDC-T, uMnumnzana Morgan Tsvangirai, abasekeli bebandla lakhe kwele South Africa lapho elatshelwa khona bathi balethemba lokuthi uzasila abuyele ekhaya ayekhokhela ibandla lakhe.

Impilakahle kaTsvangirai bekuludaba egudwini ngoLwesibili ezindabeni kwele South Africa.

UTsvangirai ukwesinye isibhedlela eJohannesburg lapho aze khona ngoZibandlela ezokwelatshwa umkhuhlane wemvukuzane.

Inengi labezindaba laba bathi ubangwa lezibi okaTsvangirai. Le yinto egcizelelwe ngesinye isizalwane seZimbabwe esingathandanga ukuvezwa igama ngoba singelalungelo lokukhuluma simele umkhokheli weMDC-T.

Limbiko isilethe ukudana kwabanengi abeZimbabwe abakweleSouth Africa. Kodwa inengi labasekeli bebandla leli bathi kabakalahlekelwa lithemba lokuthi umkhokheli wabo uzasila abuyele ekhaya ukuyaqedisa umsebenzi wokuletha umbuso okhululekileyo elizweni.

Ilunga leMDC-T kwele South Africa uNkosazana Vimbai Mavherudze uthi umnumnzana Tsvangirai yindoda esimelane lobunzima obukhulu eZimbabwe ngakho akathandabuzi ukuthi lalo umkhuhlane uzowunqoba.

“UPresident Tsvangirai uzoba right ngoba ngiyathemba ukuthi naye he is a strong man and a fighter so all our hopes nje we are believing God and siyathemba ukuthi uNkulunkulu uzosenzela ngoba unamandla.”

Le yinkulumo egcizelelwa yisiphathamandla seMDC kweleSouth Africa, uMnumnzana Austin Moyo, laye othi akathandabuzi ukuthi imithandazo yabo izaphendulwa.

“Lo umlayezo ngowokufisela uDr. Tsvangirai ukuthi alulame enhlungwini lezi azizwayo ukuthi aze azoqhubeka ngaloyo mcimbi esawuqala ngo1999 ukuthi silwele iZimbabwe entsha. Lulama la okhona Dr. Morgan Tsvangirai ukuze uqhube uqedelele umsebenzi esawuqalayo.”

Kusenjalo, umbiko owethulwe enkundleni yokuxhumana ebulenjini eyeTwitter phansi kwegama lika Tsvangirai, yena ngokwakhe uthi uyamangala ngemibiko yabezindaba ethi usebangwa lezibi ngoba yena yebo uyagula kodwa isimo sakhe asethusi njengoba kulezibonelo ngumkhuhlane osalawuleka.

Inengi kweleSouth Africa likhala ngokuthi aluba liyaphiwa ithuba lokumethekelela esibhedlela, kodwa abezempilakahle bathi sikhathi sonke umuntu osesimeni esingasihle ikakhulu elomkhuhlane wemvukuzane, akukhuthazwa ukuthi ethekelelwe ngabantu abanengi njengoba bengacina bemthelela eminye imikhuhlane engangena lula kuye ngenxa yesimo sakhe.

XS
SM
MD
LG