amalinks wokungena

Breaking News

Mutsvangwa: Abanye Abatshone kuCyclone Idai Sebengcwatshwe eMozambique


UNkosikazi Monica Mutsvangwa
UNkosikazi Monica Mutsvangwa

Uhulumende uthi ezinye izidumbu zabantu abathethwe lizulu lesiphepho uCyclone Idai eManicaland sezingcwatshiwe elizweni elakhelene leZimbabwe eleMozambique, njalo induna kulezo indawo ziqala zithathe imifanekiso zingakayifihli ukwenzela ukuthi izihlobo zaziswe.

Uhulumende uthi ezinye izidumbu zabantu abathethwe lizulu lesiphepho uCyclone Idai eManicaland sezingcwatshiwe elizweni elakhelane leZimbabwe eleMozambique, njalo induna kulezo indawo ziqala zithathe imifanekiso zingakazifihli ukwenzela ukuthi izihlobo zaziswe.

Lokhu kuvezwe ngumphathintambo kahulumende obona ngokwethulwa kwembiko uNkosikazi Monica Mutsvangwa ekhuluma leStudio 7.

Kodwa imbiko evela eMozambique ithi ezinye indawo lapho okugcinwa khona ingwenya, amaCrocodile Farms, lazo zibhidlikile ngenxa yalelizulu, okubangele ukuthi izilo lezi zingene emanzini lapho okulemizimba yabantu khona.

UNkosikazi Mutsvangwa uthi abantu banikeza impahla ezigoqela ukudla lokunye ewofisini kahulumende eyeProvincial Administrator eManicaland, zihle zisiwe kulabo abazidingayo.

Uthi imota ezinkulu ezama trucks zidibana lohlupho ngoba kusukela eMutare kusiya eChimanimani, imigwaqo lamabholoho kubhidlikile njalo abantu benelisa ukufika eWengezi kuphela.

Kodwa uhulumende uthi uyazama ukulungisa loluhlupho ngoba sokulezinye indawo lapho imota esezenelisa ukudlula khona.

please wait

No media source currently available

0:00 0:03:18 0:00

XS
SM
MD
LG