amalinks wokungena

Breaking News

Mzwakhe Mbuli: Sishaqile Mpela Ngokutshona kukaRay Phiri


South Africa Obit Ray Phiri

Umhlabeleli wakweleSouth Africa odumileyo uRay Phiri kasekho.

UPhiri ubhubhele esibhedlela seNespruit ngoLwesithathu lapho ekade eselatshwa khona umkhuhlane wemvukuzane yamaphaphu, ilung cancer.

Ubeseleminyaka yokuzalwa engamatshumi ayisikhombisa, 70 years, njalo ubehlabela leqembu lakhe leStimela.

Ingoma adume ngazo zigoqela ethi ‘Zwakala,’ ‘Siyaya Phambili,’ ‘Fire, Passion & Ecstacy,’ kanye lethi ‘Whispers in the Deep.’

UMongameli waseSouth Africa uMnu. Jacob Zuma labosaziwayo abagoqela abaculi bathumele amazwi enduduzo emulini kaPhiri.

Omunye wabaculi laba yimbongimhlabeleli elodumo uMzwakhe Mbuli yena otshele iStudio 7 ukuthi ukutshona kukaMnu Phiri yikulahlekelwa kwezwekazi lonke leAfrica.

“Sishaqile mpela, wonke umuntu ulimele kakhulu ngenxa yeqhaza lendima eyadlalwa yilendoda,” kutsho uMbuli.

please wait

No media source currently available

0:00 0:02:37 0:00

Facebook Forum

XS
SM
MD
LG