amalinks wokungena

Basebenzisa Ukulingisa Ukwenzela Ukunqabela Umkhuhlane weAIDS


UNanzile Nyathi lomkakhe uMnu. Bongo (right) bemukele izicocco zokwenza kahle emsebenzini wabo.

UBulawayo ubonwa ngabanengi njenge dolobho lamakhosi elilondoloza ezamasiko ezigoqela intshantshu kwezemidlalo lomsebenzi wezabalingiswa kanye lama Arts.

Eyinye yalez’intshantshu kwezemidlalo yamasiko yokuzilibazisa, UNkosazana Nanzile Nyathi lomunye wakhe abenhlanganiso ye Young AT Heart, basebenzisa imidlalo yokulingisa eye drama ukuxoxisana mayelana ngendaba ezihlupha abantu emphakathini.

Echasisa ukuthi iYoung At Heart kuyinhlanganiso enjani, uNyathi uthe yinhlanganiso yabantu abatsha eyaqala ngoba bekholelwa yikuthi isigogo sigoqwa sisasemanzi.

Inhloso senhlanganiso le ngesokuthi bazame ukufundisa abantu ukuthi bazibambe ukwenzela ukuthi behlise ukumemetheka kwegcikwane le HIV & AIDS.

UNyathi, laye ophila lalel’igciwane, uphinde wathi usebenzisa isikundla sakhe ukuthi afunise abanye abantu ngegcikwane leHIV-AIDS.

“Emsebenzini wethu sifundisa abantu abatsha labadala ngoba bonke bayakwamukela ngapha bekholisa esikwenzayo,” kusho uNyathi.

Abafuna ukuthola ulwazi oluthile mayelana lomsebenzi kaNyathi lomunye wakhe uBongo, bangabathintha kucingo kunombolo ezithi 0775 723 576.

XS
SM
MD
LG