amalinks wokungena

Breaking News

UChamisa Wethekelela Izibhedlela eHarare Odokotela Bekhalala Umsebenzi


UMnu. Nelson Chamisa ukhuluma lesigulane esibhedlela.

Umkhokheli webandla eliphikisayo eleMovement for Democratic Change (MDC), uMnu. Nelson Chamisa, ngoLwesine wethekele izibhedlela iHarare Hospital leParirenyatwa, ukwenzela ukuzibonela isimo esisezibhedlela ngesikhathi odokotela bekhalala umsebenzi bekhonona ngeholo eliphansi.

UMnu. Nelson Chamisa usesibhedlela eHarare ...
UMnu. Nelson Chamisa usesibhedlela eHarare ...

UChamisa, obephekelezelwa ngezinye iziphathamandla zebandla leMDC, uqale ngokuya esibhedlela seHarare Hospital lapho abathole izigulane zingela obakhangelayo, amanye amawardi evaliwe.

UChamisa ukhulekela isigulane esibhedlela ...
UChamisa ukhulekela isigulane esibhedlela ...

Ekhuluma lentathelizindaba esibhedlela lesi uChamisa uthe kulusizi ukuthi isibhedlela esikhulu kanje sesikusimo esibi kangaka.

“Isimo esilapha sibi kakhulu sizalinika umbono wethu njengoba libona sizafuna ukuhlolisisa ezinye indawo. Njengoba libona amanye amaWard avaliwe ngenxa yesimo esilapha. Abantu abazanga ngoba bananzelele ukuthi abanikezwa usizo abaludingayo. Akusiso simo esihle esisibona laph.”

Ekufikeni kukaChamisa lequla lakhe eHarare Hospital, umqondisi wales’isibhedlela uke wazama ukumalisa ukungena esithi ubengaziswanga ngohambo lolu.

UMnu. Nelson Chamisa wethekelela izigulane esibhedlela ...
UMnu. Nelson Chamisa wethekelela izigulane esibhedlela ...

Loba nje, abanye besekela okwenziwe nguChamisa besithi kuveza ukuthi ungumkhokheli olozwelo, ezinye ingcwethi ezicubungula ezombusazwe zithi leli liqhinga lokuthi yena abonakale angathi ungcono kuloMongameli Emmerson Mnangagwa.

Omunye walabo abalombono lo nguMnu. Tjenesani Ntungagwa, ingcwethi kwezombusazwe ezimele yodwa.

“Ukuxokozela kwabodokotela ngokubona kwami kuyakhangeleka, kuyahlonipheka, akukaze kwenzakale kodwa-ke inkokheli zombangazwe nxa sezingenela isikhathi sesiphela sokunje, bebengacabanganga kuhle. Lokhu kwakumele kukhulunywe ukuxokozela lokhu kusaqala, inkokheli ezinjengabo Chamisa labo beqakeze izandla kodwa ukubuya kwakhe khathesi akusela lutho, sekuyikwenzakala kwezinto …”

Esuka eHarare Hospital uChamisa lequla lakhe balubhekise esibhedlela seParirenyatwa lapho afike wakhulekela ezinye izigulane kungela kukhahlamezwa loba ukwaliswa ukungena njengalokho okwenzakale eHarare Hospital.

Udaba Esilethulelwe NguGibson Bhebhe
please wait

No media source currently available

0:00 0:02:53 0:00


Facebook Forum

XS
SM
MD
LG