WASHINGTON DC —
EleMelika selilandule umbiko othi uMongameli Donald Trump seyethule umthetho ovumela izizalwane zeZimbabwe ukungena kulelolizwe zingela ma-visa.
Umbiko lo uqale ukumemetheka ebulenjini beInternet lasenkundleni yeWhatsApp ngoLwesithathu usithi izizalwane zeZimbabwe sezivunyelwa ukungena lokuhlala eMelika zingela ma-visa okwenyanga ezintathu.
Kodwa umbiko oyethulwe yisigodlo sommeli weleMelika eHarare ngoLwesine enkundleni yeFacebook ukulandule lokhu usithi ngamanga aluhlaza tshoko.
Kunjalo nje, isigodlo seMelika sisole kakhulu ukubotshwa kukamfundisi Evan Mawarire sisithi kumele akhululwe ngokuphangisa.
Sikhuthaze uhulumende weZimbabwe ukuthi ehluniphe amalungelo oluntu.