amalinks wokungena

Breaking News

Ngibuhlungu Ngalabo Abathi Ngaphatheka Ekuthunjweni kukaMuchehiwa, Kutsho Osemiswe Umsebenzi yiMDC Alliance uMasotsha


Supporters of Zimbabwean opposition MDC Alliance party leader Nelson Chamisa hold his campaign posters as they gather outside the MDC Alliance's headquarters in Harare on July 31, 2018.

Osemiswe ukuba ngumgcinisihlalo wabesifazana kubandla leMDC Alliance koBulawayo uNkosazana Tendai Masotsha uthi uzizwa ehlukumezekile kakhulu ngabantu abacabangela ukuthi waba lesandla ekuthunjweni kosakhulayo uTawanda Muchehiwa.

Ibandla leli limise uMasotsha umsebenzi okwesikhatshana izolo ukuze liphenye loludaba.

UMuchehiwa uthi ngesikhathi ethunjwa wayeloMasotsha emoteni, yena athi wayethwele amaphetshana ayelotshwe ukuthi ibandla leZanu PF kumele lisuke embusweni.

Lokhu kwenze abanye bacabangela ukuthi uNkosazana Masotsha engaba wayesebenza labathumbi bakaMuchehiwa - abacatshangelwa ukuthi ngabezomikela - ngoba besithi kungani yena engabotshwanga.

Kodwa uMasotsha uthi laye wabotshwa kodwa waphanga wakhululwa. Uthi njalo ngemva kokukhululwa wathunjwa ngabantu angabaziyo wayatshaywa.

UMasotsha utshele iStudio 7 ukuthi akalasandla kudaba lukaMuchehiwa, njalo uthi indlela aphathwa ngayo ngabantu ngaloludaba isimdabule inhliziyo ngoba laye ungumuntu owahlukuluzwayo.

please wait

No media source currently available

0:00 0:02:19 0:00

Esinye isiphathamandla seMDC Alliance esingathandanga ukubethwa ngegama ngoba sisithi udaba lolu lusaphenywa, sitshele lumsakazo ukuthi ibandla lilemibuzo eminengi uMasotsha amele ayiphendule.

Facebook Forum

XS
SM
MD
LG