amalinks wokungena

Breaking News

Ngubani Ozathatha Isikhundla Sika Mnu. John Nkomo KuNational Healing


Kulandela ukugcotshwa kuka Mnu.John Nkomo ngoMvulo ukuba ngumsekeli kamongameli welizwe, esinye sezikhundla abeziphethe esokuba ngumphathintambo wogatsha lukahulumende olubona ngokuxolelana elizweni, olwe National Healing, sesidinga omunye njalo ozasiphatha.

Umongameli Robert Mugabe nguye okhangelelwe ukukhetha ozathatha lesisikhundla, njalo kubikwa kuvame ukuba lokuxokozela kubandla le ZANU PF kubangwa izikhundla, njengalokhu okwanzakale emhlanganweni we congress yalelibandla osanda kwedlula.

Ukuze sicubungule loludaba, uSithandekile Mhlanga we studio 7 uxoxe lo Mnu. Max Mnkandla, okhokhela inhlanganiso ye Zimbabwe Liberators' Peace Initiative yena othi isikhundla lesi sifanele umuntu olesineke njalo ongelambali yokwenza ubudlwangu-dlwangu.

‚Äč
XS
SM
MD
LG