amalinks wokungena

Breaking News

Obama: UJohn McCain Wayengafuni Kubelokuxabana Okubangelwa Ngezombusazwe


Umongameli weMelika uMnu. Donald Trump ubenganxuswanga ngoba uMnu. McCain wathi kafuni aze emngcwabeni wakhe, kodwa indodakazi yakhe uNkosikazi Ivanka Trump lomyeni wakhe uMnu. Jared Kushner babonakele kulumbuthano.

Inengi eMelika, eligoqela obanengumongameli beMelika uMnu. Barack Obama, uMnu. George Bush, kanye liqhubeke lincoma umufi owayengusenator weArizona uMnu. John McCain, owebandla lama Republicans, otshone ngeviki edluleyo ngemva kokugla umkhuhlane wemvukuzane yengqondo. Indodakazi yakhe uMeghan McCain layo ikhulumile kulumbuthano.

UMnu. McCain, owayeleminyaka yokuzalwa engamatshumi ayisitshiyagalombili lanye, 81, ubesaziwa ngokuba lemcabango ezimeleyo, kanye lokukhuthaza umbuso okhululekileyo. Ukhangelelwe ukungcwatshwa ngeSonto emathuneni e-US Naval Academy eAnnapolis, eMaryland, khonapha eMelika.

Abanye abakade besenkonzweni yesikhumbuzo sika Mnu. McCain eWashington's National Cathedral e Washington DC ngababengomangameli abagoqela oMnu. George Bush, kanye loMnu. Bill Clinton.

Umongameli weMelika uMnu. Donald Trump ubenganxuswanga ngoba uMnu. McCain wathi kafuni aze emngcwabeni wakhe. Kodwa indodakazi yakhe uNkosikazi Ivanka Trump lomyeni wakhe uMnu. Jared Kushner bebemenyiwe.

UMnu. Obama, yena okubandla lamaDemocrats uthi kwamjabulisa kwaphinda kwamdanisa ukuthi umufi wamcela ukuthi abengomunye wabakhuluma emkhosini lo.

“Kwakuyimi lowayengumongameli uMnu. George Bush esabalenhlanhla yokuthi sincintisane lomufi uSenator McCain kwezombusazwe. Wasenza sabangabakhokheli abalohlonzi, wenza idale lephalamende labangcono, wenza lalelilizwe leMelika labangcono. Ngakhokhe-ke, ukuthi akucele esaphila ukuthi ukhulume emngcwabeni wakhe esetshonile, yinhlonipho enkulu kakhulu. Wathi engitshela lokhu ekuqaleni kwawonalo umnyaka, ngafikelwa yikudana okukhulu, ngaphinda ngafikelwa yikumangala. Kodwa ngabona ukuthi yiso vele isimo sakhe; esokwenza okungakhangelelwanga ngabanengi, ezenzela akucabangayo, ” kutsho uMnu. Obama.

please wait

No media source currently available

0:00 0:01:07 0:00

Facebook Forum

XS
SM
MD
LG