amalinks wokungena

Breaking News

Odokotela Abakhalale Umsebenzi Bathi Kabasenelisi Ukwelapha Izigulane


Zimbabwean doctors on strike.

Odokotela abadala batshengisele esibhedlela seParirenyetwa eHarare ngoLwesibili bekhala ngokuswelakala kwempahla yokusebenzisa kanye lokugugudeka kweholo labo.

Odokotela bathi abasenelisi ukwelapha kanye lokuhlinza izigulane ngoba imishina esesibhedlela lesi isindala njalo ifaka izigulane engozini.

Lokhu kukhalala kwabodokotela abadala kubikwa kusesibhedlela seParirenyatwa kuphela kodwa kukhangelelwe ukuthi kuzaqhela kusiya kwezinye izibhedlela elizweni nxa uhulumende engalungisisanga izikhalazo zabo.

IStudio 7 ikhulume lonobhala wenhlanganiso emele odokotela abatsha eye Zimbabwe Hospitals Doctors Association, uMnu. Mthabisi Bhebhe, othe izikhalazo zabodokotela abadala zifana lalezo ababeziveza ngesikhathi bekhalala umsebenzi ngoMpalakazi nyakenye.

“Thina emsebenzini okwakhathesi siyahamba njalo okumele sikunanzelele yikuthi odokotela laba abakhalale umsebenzi okwakhathesi yisibhedlela esisodwa eseParirenyatwa. Umumo lokhu ufanana ezibhedlela njengalokhu esasikhala ngakho. Kodwa esikunanzelelayo yikuthi odokotela laba bakhalala ngendaba esazikhalalela umsebenzi ngoDecember, khona kutshengisela ukuthi uhulumende akakakhangeli izikhalazo esasizifake kuye ngoDecember.”

Odokotela abakhalale umsebenzi batshengisela eParirenyatwa Hospital.
Odokotela abakhalale umsebenzi batshengisela eParirenyatwa Hospital.

UBhebhe uphinde wathi loba odokotela abatsha besiya emsebenzini inhlanganiso yakhe iphatheke kumihlangano lohulumende ikhankasela ukukhwezwa kweholo labo kanye lezinye izikhalazo abaziveza nyakenye bekhalele umsebenzi.

Kodwa uthe badaniswa yikudonda kukahulumende ekulaleleni izikhalazo zabo.

Izakhamizi zeHarare ezikhulume leStudio 7 ziveze ukufuthelana ngokuqhubekela phambili kwezisebenzi zikahulumende zikhalala imisebenzi.

Zithe kutshengisa ukuthi uhulumende akaqakathekisi impilakahle yezisebenzi zakhe.

Omunye wabakhonona ngodaba lolu ngMnu. Nqobani Dube othe kusobala ukuthi uhulumende kalamacebo okulungisa okuhluphayo kwezempilakahle.

Odokotela Badla Amalahle Ngokuswela Imitshina Lokunye Okutshiyeneyo Ezibhedlela
please wait

No media source currently available

0:00 0:03:51 0:00

Facebook Forum

XS
SM
MD
LG