amalinks wokungena

Breaking News

Odokotela Bathi Kabasoze Babuyele Emsebenzini Uhulumende Engalungisanga Inswelo Zabo


Badla amalahle odokotela ...

Annastacia Ndlovu

Odokotela bakoBulawayo batshengisele esibhedlela seMpilo Central Hospital ngoLwesihlanu besithi kababuyeli emsebenzini uhlangothi lukahulumende olubona ngezempilakahle luze lulungise konke okubakhathazayo.

ODokotela bafole behlabela njalo besitsho abafuna ugatsha lwezempilakahle okumele lukwenze ukuze babuyele emsebenzini.

Bathe uhulumende engaqhubeka eqinise ikhanda labo bazaqhubeka bekhalala umsebenzi.

Odokotela bathi kumele umphathintambo wezempilakahle uDr. David Parirenyatwa atshiye umsebenzi ngoba seyehlulekile ukwenzela odokotela abakufunayo.
Odokotela bathi kumele umphathintambo wezempilakahle uDr. David Parirenyatwa atshiye umsebenzi ngoba seyehlulekile ukwenzela odokotela abakufunayo.

UDokotela Sheperd Khumalo utshele umsakazo weVOA Studio 7 ukuthi ukusebenza esibhedlela sokunzima ngenxa yokuhola imali ephansi njalo lokuswelakala kwezinto zokusebenzisa ezibhedlela.

UDokotela Morgan Nerwande uvumelane laye esithi isimo sibi kakhulu ezibhedlela.

Lokhu kugcizelelwe nguDokotela Christopher Mpofu othe kubuhlungu ukuthi bakhangelelwe ukwelapha abantu bona belambile.

Odokotela bathi sokwanele okwenziwa nguhulumende ...
Odokotela bathi sokwanele okwenziwa nguhulumende ...

UDokotela Thabo Moyo laye uthe lokhu kwenzakala ngoba kulabantu abangafuni ukuzwisisa njalo akudingeki ukuthi uhulumende aze atshelwe okumele akwenze ezibhedlela.

lsimo esisezibhedlela siyadanisa njengoba abantu bezithengela imithi, kuthi abangelamali balala esibhedlela bengatholi ukwelatshwa.

Batshengisela esibhedlela odokotela abakhala ngokwenziwa nguhulumende.
Batshengisela esibhedlela odokotela abakhala ngokwenziwa nguhulumende.

Abanye ngabalahlekelwa yimpefumulo ngoba akulamiti ezibhedlela njalo labodokotela kabasebenzi ngenxa yezikhalazo zabo ezingaka nakwa nguhulumende.

NgoLwesihlanu odokotela abakhalala umsebenzi besebelamalanga angamatshumi amabili lantathu bezihlalele ngekhaya.

Umphathintambo wezempilakahle uDr. David Pariranyatwa usecele odokotela ukuthi babuyele emsebenzini ukwenzela ukuthi akhulume labo ngokubahluphayo.

please wait

No media source currently available

0:00 0:03:25 0:00

Facebook Forum

XS
SM
MD
LG