amalinks wokungena

Breaking News

Umculi Obelodumo uOliver Mtukudzi Uphiwa Isicoco Sokuba Liqhawe leZimbabwe


Umuyi uOliver Mtukudzi
Umuyi uOliver Mtukudzi

Uhulumende weZimbabwe usenikeze umculi obelodumo uOliver ‘Tuku’ Mtukudzi isicoco sokuba liqhawe lelizwe.

UTuku obhubhele esibhedlela eHarare izolo uchazwe ngabanengi njengomuntu obemanyanisa abantu ngengoma abezihlabela.

Abanye abantu abasesililweni sikamuyi uOliver Mtukudzi.
Abanye abantu abasesililweni sikamuyi uOliver Mtukudzi.

Bekubuthene abantu abanengi emzini kamuyi ngesikhathi uMongameli Emmerson Mnangagwa esethula umbiko wokunikeza uMtukudzi isicoco sokuba liqhawe lelizwe.

Lokhu kuza ngemva kokuba abohlangothi olubona ngezabalibazisa uzulu abe National Arts Council becele uhulumende ukuba uTuku atholiswe isicoco lesi.

Umqondisi wohlangothi lwe National Arts Council, uMnu. Nicholas Moyo, uthi bekuvele kusaziwa ukuba uMtukudzi liqhawe.

Uthi ilizwe lilahlekelwe kakhulu ngokubhubha kuka Tuku.

UMnu. Nelson Chamisa, uMechanic Manyeruka loZexie Manatsa ngabanye babantu abahambe esililweni sika Oliver Mutukudzi.
UMnu. Nelson Chamisa, uMechanic Manyeruka loZexie Manatsa ngabanye babantu abahambe esililweni sika Oliver Mutukudzi.

Amalunga amababandla ezombusazwe ehlukeneyo okubalisa ele MDC elikhokhelwa nguMnu. Nelson Chamisa baze labo ukuzakhalela umdeni kaMtukudzi.

UChamisa ukhokhele ingoma yokholo ngemva kokwethula amazwi enduduzo kuzulu obebuthene esililweni sikaTuku.

UChamisa uchaze umuyi uMtukudzi njengomunye wabaculi akade beqhuba kahle umsebenzi wokumanyanisa uzulu.

Omunye wabasebenza loTuku engusebele wakhe njalo osengumfundisi, uZexie Manatsa, uthe umhlaba ulahlekelwe liqhawe.

UMnu. Simbaneuta Mudarikwa webandla leZanu PF.
UMnu. Simbaneuta Mudarikwa webandla leZanu PF.

Lokhu kusekelwe ngabaculi akade besesililweni abagoqela uThomas Mapfumo, Alick Macheso, Mechanic Manyeruke, Nicholas Zacharia labanye abambalwa.

Abezinkonzo ezehlukeneyo, abamabandla ezombusazwe kanye leziphathamandla zika hulumende babuthene emzini kaTuku eNorton.

Kukhangelelwe ukuthi uMtukudzi uzabekwa ngeSonto.

Inhlanganiso ezehlukeneyo eZimbabwe lezakwamanye amazwe ezigoqela eyeUNICEF zethulele umdeni kaTuku amazwi enduduzo zisithi ukubhubha kwakhe kuzwisa abantu abanengi ubuhlungu.

Udaba Esilethulelwe NguMavis Gama
please wait

No media source currently available

0:00 0:05:04 0:00

XS
SM
MD
LG