amalinks wokungena

Breaking News

Omalayitsha Phakathi kweBotswana leZimbabwe Bakhala Ngokwehla Kwebhizimusi


Omalayitsha
Omalayitsha

Abakubhizimusi yokuthwala imphahla phakathi kweBotswana leZimbabwe, abaziwa kakhulu ngokuthi ngoMalayitsha bathi akusekhatshana bengathengisanga imota zabo badinge ezinye indlela zokuziphilisa ngoba bengasatholi abantu abanengi abasebenzisa ibhizimusi yabo.

Omalayitsha bathi ibhizimisu isidula njengo kobona ilihlo lentwala. Inengi elakhetha ukungena kulibhizimusi aliboni lizaqhubeka ngalendlela yokuphilisa imuli zabo ngoba ikusasa ingaziwa.

Lokhu kulandela ukungena kwendlela ezimbalwa zokuthumela imali ekhaya, ukutholaka kwemphahla enengi kweleZimbabwe kanye lokufaka umthelo kumphahla yonke ethengwe phandle kwelizwe.

Umnumzana Amkela Nkala uthi indlela okome qha kubhizimusi ngayo kuzamfuqa ukuthi athengise ngitsho lemota asebenza ngayo ukuze abheke ezinye indlela ezingamphilisa.

Umnumzana Jaison Ndlovu, omunye olayitsha esuka eGaborone esiya koBulawayo uthi babengahlali amalanga amabili bengatholanga amakhastoma kodwa khathesi lumumo usuguqukile. Uthi njalo osokwengezelela inhlupho zabo ngamapholisa asegcwele endleleni yonke.

Ababesebenzisa omalayitsha bathi abasabasebenzisi ngoba bekubona kungcono ukuhambisa ngendlela ezithembekileyo lapho okungasoke kube lendaba zokulahleka kwemali kanye lemphahla…

Kodwa abanye, abafana lonkosazana Alice Hlabangana, bathi lokhe besebenzisa omalayitsha besithi ezinye imphahla lokhe zidula eZimbabwe kukanti ukuzithenga eBotswana kugcono noma sekufakwe umthelo weZIMRA.

Ingcwethi ebona ngezomnotho, umnumzana Japhet Sibanda uthi amanyethela athethwe nguhulumende yiwo angafuqela abazama ukuziphilisa ngokulayitsha phandle kwebhizimusi. Ethi njalo indlela ezintsha esezingenile ezifana lezokuthumela imali zilakho ukwenza ukuthi kuqhubeke kube lukhuni kubomalayitsha.

Noma nje kunjalo kulabomalayitsha abathi bazaqinisela bethembe ukuthi ikusasa ingaguquka. Besithi engxenye uhulumende ulakho ukubisela emuva isinqumo sakhe ngemithelo yempahla uma isikhwama sakhe singaba ngcono.

Udaba lwaboMalayitsha abakhala ngokwehla kwebhizimusi
please wait

No media source currently available

0:00 0:03:06 0:00
Lapho esitholakala khona

XS
SM
MD
LG