Omeya bamadolobho asezandleni zeMDC babikwa bevumelene ukuyacela idale lephalamende ukuthi licubungule umphathintambo obona ngezabelo uMnu Ignatias Chombo ngokungethembeki.
Omeya laba baphume lesinqumo lesi emhlanganweni abawenzele eHarare ngoLwesine.
Bathe njalo bafuna idale lephalamende lihluze udaba lokuxotshwa mahlayana kwamakhansili eMDC endaweni ezitshiyeneyo nguChombo.
Umsekeli wesikhulumeli seMDC ekhokhelwa nguMnu Morgan Tsvangirai, uNkosazana Thabitha Khumalo uthe bakhangelele ukuthi idale lephalamende lithathele uChombo amanyathelo.
