amalinks wokungena

Phansi Ngokukhethana Ngemihlobo; Kutsho uTsvangirai


UNkosazana Thokozani Khupe

Umkhokheli weMDC-T uMnu Morgan Tsvangirai uthi ukukhethana ngemihlobo ngumkhuba omubi kakhulu angasoze afa awuvumela ebandleni lakhe lakumanyano wamabandla aphikisayo oweMDC Alliance.

UTsvangirai wethule amazwi la ngoLwesine egcizelela amazwi awethule ngeviki edluleyo lapho achothoze khona uNkosazana Thokozani Khupe esithi ulenkethabetshabi lanxa nje engamqambanga ngegama.

Ekhuluma emhlanganweni awenzele eWhite City, uTsvangirai wethese uMakhupe icala lokuqakathekisa umhlobo wamaNdebele esithi yikho osokubangele ukungezwani phakathi kwabo kudaba lokubunjwa komanyano wamabandla aphikisayo.

Kodwa abasekela uMakhupe bathi uTsvangirai ulahlekile kakhulu lapha ngoba ukuxabana okukhona phakathi kwakhe loMakhupe akulani lokukhethana ngemihlobo.

UMnu Tsvangirai uthe njalo ukukhethana ngemihlono yinto ayisolayo ngitsho lakubandla leZanu PF.

Amazwe kaTsvangirai agcizelelwe ngumsekeli webandla lakhe uNkosazana Thabitha Khumalo yena otshele iStudio 7 ukuthi uMakhupe loTsvangirai kumele bakhulumisane ukuze baqede ingxabano ekhona phakathi kwabo.

Facebook Forum

XS
SM
MD
LG