amalinks wokungena

Breaking News

Progressive Democrats of Zimbabwe: Buyelani Ekhaya Liyebhalisa Ukuvota


Progressive Democrats of Zimbabwe (PDZ)

Iziphathamandla zebandla le Progressive Democrats of Zimbabwe (PDZ) zitshele abangene umhlangano wezokhetho elokitshini le Steeldale eJohannesburg ukuthi ukhetho oluzayo luqakatheke kakhulu ngoba impumela yalo izakutsho ukuthi iZimbabwe iyatshabalala kokuphela kumbe sokuthathwa amanyathelo okuyivuselela.

Unobhala jikelele waleli bandla ozekulo umhlangano evela eZimbabwe uMnumnzana Mthokozisi Ncube, uthe inhlupheko esiselizweni isisesabisa okokuthi abasemazweni nxa bengaziphanga umthwalo wokuyavota ilizwe lizatshabalala.

Amalunga ebandla lePDP.
Amalunga ebandla lePDP.

“Kusaswelakala ukuthi even abantu loba bephumile bexotshwa yi situation, babuye elizweni labo bazoregister ukuvota, ngoba sikwazi ukuthi iZanu PF iyalile idiasporan vote. Ukuhlukumeza kwesinye isikhathi akusonto engenza ukuthi sesabele khatshana.”

Obona ngokusebenza kwengatsha zonke zaleli bandla uMnumnzana Andrew Nyathi ukubeke kwacaca kwabebekulo umhlangano ukuthi njenge PDZ bakholwa ukuthi isimo esibi eZimbabwe ngeke sisaguqulwa yinkulumo loba izifiso, kodwa sidinga ukukhitshwa kukahulumende okhona kusetshenziswa ukhetho.

“Sifuna ukuthi sitshintshe indlela yokubusa kuleliyana ilizwe, sifake umbuso ozahlonipha abantu, uhloniphe abantu amalungelo abo, lelungelo lokuthi abantu basebenze baziphilise bona ngokwabo kungabi lalokhu ukuthi amandla abantu ayatshontshwa. Sikhuphe iZanu pf embusweni sifake amandla abantu.”

Okhokhela omama kuleli bandla kwele South Africa uNkosazana Angela Phiri, uthi okwenza babe lethemba lokuthi ibandla labo lizaphumelela ekhethweni oluzayo yikuthi lithethe abesifazana labafaka

Seliqalisile ukukhankasela ukhetho oluzayo ibandla leProgressive Democrats of Zimbabwe elikhokhelwa nguNkosazana Barbara Nyagomo. (Umfanekiso: PDZ)
Seliqalisile ukukhankasela ukhetho oluzayo ibandla leProgressive Democrats of Zimbabwe elikhokhelwa nguNkosazana Barbara Nyagomo. (Umfanekiso: PDZ)

UMsekeli kamgcinisihlalo waleli bandla eJohannesburg uNkosazana Sikhanyisiwe Mlotshwa, uthi kusobala ukuthi inkokheli zesilisa sezehlulekile ukuyikhokhela iZimbabwe.

“Bahlala bethi bona ubona wonke ubaba osuccessful kulomama ngemva kwakhe. Manje asisafuni ukuba ngemva kwabobaba sesifuna ukuthi kube yithi esihamba phambili. Ma ingaphathwa ngumama ngempela iyabe isezandleni ezifudumeleyo because umama nguye owenza ikhaya lifudumale.”

UMnumnzana Mpiyezwe Nare, onguye obeqoqa lumhlangano uthi lelibandla selilengatsha ezitshiyeneyo emalokitshini amanengi kweleSouth Africa, kantilo ngumkhankaso abazawuqhuba endaweni ezitsheyeneyo ngenhloso yokuthi luthi luphela ukhetho luka 2018 kube yi PDZ ethatha intambo zombuso. Uthi uthokoze kakhulu ngenani labantu abafika amakhulu amabili abengene lumhlangano.

Selikhankasela ukhetho oluzayo ibandla leProgressive Democrats of Zimbabwe.
Selikhankasela ukhetho oluzayo ibandla leProgressive Democrats of Zimbabwe.

Kusenjalo umkhokheleli webandla lePDZ uNkosikazi Barbara Nyagomo obekukhangelelwe ukuthi abekhona kulo umhlangano akasabuyanga ngemva kokudlulisela uhambo lwakhe lokuza eSouth Africa phambili.

Facebook Forum

XS
SM
MD
LG