amalinks wokungena

Breaking News

RBZ: Lizaqhubeka Lisebenzisa Ezinye Inhlelo Zemali yeMobile Money Transfer


Dr John Mangudya
Dr John Mangudya

UMnu. Mangudya uthi abantu bazaqhubeka besebenzisa inhlelo zeMobile Money Transfer ezifana le Eco-Cash ukubhadala indleko zabo ezifana lamagetsi, amanzi lama airtime.

Inengi lithi alithokozi ngenyathelo likahulumende elokumisa ukusetshenziswa kwemali esebenza ngomakhalekhukhwini eye Eco-cash, One Money, My Cash, kanye lezinye inhlelo.

Inengi labantu elingelamabhuku ama accounts emabhanga belisebenzisa lezinhlelo, kukanti imali layo ivele ayitholakali lula emabhanga.

Umabhalane wogatsha olubona ngokwethulwa kwembiko uMnu. Nick Mangwana wethule lumbiko izolo, njalo uthi inyathelo leli lithethwe ngoba uhulumende efuna ukuqeda inkohlakalo yokuthengiselana imali emkambo wensitha.

Usibalukhulu webhanga elikhulu elizweni eleReserve Bank of Zimbabwe uMnu. John Mangudya wethule umbiko ngoMgqibelo esithi inhlelo lezi azimiswanga zonke.

Uthi abantu bazaqhubeka besebenzisa inhlelo zeMobile Money Transfer ukubhadala indleko zabo ezifana lamagetsi, amanzi lama airtime.

Umgcinisihlalo wenhlanganiso yeBulawayo Vendors and Traders Association uNkosikazi Debra Mukasa uthi ngempela I eco-cash ilokhu isebenza, lanxa imitshina ingani iyaphuza

please wait

No media source currently available

0:00 0:08:28 0:00

Ukuhlaziya loludaba, sixoxe loMnu. Masimba Kuchera, ingcwethi ecubungula ezomnotho welizwe.

please wait

No media source currently available

0:00 0:02:35 0:00


XS
SM
MD
LG