amalinks wokungena

Breaking News

RBZ: Sizadinda Imali YamaBond Notes Efika ku$300 Million


Usibalukhulu webhanga elikhulu lelizwe uMnu John Mangudya uthi uhulumende uzadinda imali eyizigidi ezingamakhulu amathathu ($300 million) yohlobo lwamabond notes emizameni yokwehlisa ukusilela kwemali elizweni.

Embikweni weMid-Term Monetary Policy awethule eHarare ngoLwesithathu, uMangudya uthe baphakathi kokukhulumisana leAfreximbank, lona elilesivumelwano sokuncedisa uhulumende weZimbabwe kudaba lamabond notes.

Uphinde wasola abamabhizimusi esithi yibo ababangela ukusilela kwemali elizweni ngoba bengafuni ukuyigcina emabhanga.

Ibhanga leReserve Bank of Zimbabwe lethule amabond notes angena kuzigidi ezingamakhulu amabili ($200 million) nyakenye ngenjongo yokuqeda ukusilela kwemali, kodwa lokhe luqhubeka loludubo.

Ingcwethi kwezenotho uMnu Rejoice Ngwenya utshele iStudio 7 ukuthi kaboni i$300 million le ebuyayo iqeda ukusilela kwemali.

“Alusoze luphele udubo lokusilela kwemali ngoba inkinga ekhona yikuthi akulalutho ilizwe eliluthengisa phandle olungasilethela imali,” kutsho uNgwenya.

please wait

No media source currently available

0:00 0:02:15 0:00

Facebook Forum

XS
SM
MD
LG