amalinks wokungena

UMugabe Uxotsha Umsebenzi uEmmerson Mnangagwa

  • Mavis Gama

UMnu. Emmerson Mnangagwa loMongameli Robert Mugabe.

UMongameli Robert Mugabe usexotshe umsebenzi umsekeli wakhe, uMnu. Emmerson Munangagwa, osokusitsho ukuba usemiswe umsebenzi lakuhulumende.

Lokhu kuza ngemva kwezehlakalo ezimbalwa ezibekhona ngempelaviki njengesikhathi umka mongameli Robert Mugabe exotshisa uNkosikazi Joice Mujuru esikhundleni.

UNkosikazi Grace Mugabe ukubeke emphakathini ukuthi uMnangagwa nguye owenza kubelokungezwani kubandla leli osokulamaqembu amabili – iGeneration 40 le Team Lacoste – alwelwa ukufaka amsekelayo esikhundleni sikaMugabe.

UNkosikazi Mugabe uqale nyakenye imikhankaso yokuba asuswe esikhundleni , uMnu. Mnangagwa, emethesa amacala ambalwa egoqela ukuvukela umkakhe ngokufuna isikhundla sakhe.

Emhlanganweni lentathelizindaba, umphathintambo wezokwethulwa kwemibiko kanye lezokusakaza, uAmbassador Simon Khaya, uveze ukuba lelinyathelo lithethwe ngemva komhlangano ongenwe esigodlweni sikamongameli ese State House.

Akathandanga ukubuzwa imibuzo eminengi zintathelizindaba, uMoyo onguyena njalo isikhulumeli sebandla le Zanu PF.

Ingcwethi ecubungula ezombusazwe yaseHarare, uMnu. Henry Munjanja, uthi akumangalisi okwenzakale kuMnangagwa, belivele selidumela emansumpeni.

Kodwa u Munjanja ethi kungasoke kwaguqula lutho, kunhlalakahle kazulu okwenziwe nguMugabe.

Asuye wakuqala ukuxotshwa kulesi sikhundla uMnangagwa ngemva kwamazwi kaNkosikazi Mugabe okukhuthaza ukuthi umuntu kaxotshwe.

Owamtshiyela leso sikhundla unkosikazi Joice Mujuru, laye waxotshwa ngendlela efanayo eseleminyaka elitshumi ephethe leso sikhundla.

Abanye ababa ngabasekeli bakamongameli Mugabe, asebabhubhayo babalisa umnumzana Joshua Mqabuko Nkomo, uMnu. Simon Vengesai Muzenda, umnumzana Joseph Musika lo mnumzana John Landa Nkomo.

Facebook Forum

XS
SM
MD
LG